Optimot

Optimot, consultes lingüístiques, ye un serviciu qu'ufre la Direición Xeneral de Política Llingüística de Cataluña en collaboración col Institutu d'Estudios Catalanes y el Centru de Terminoloxía TERMCAT. Consta d'un buscador d'información llingüística qu'ayuda a resolver duldes sobre la llingua catalana. Per aciu del Optimot puen consultase de manera integrada diferentes fontes. Cuando les opciones de búsqueda qu'ufiera Optimot nun resuelven la dulda llingüística, pue accedese a un serviciu d'atención personalizada.

Historia[editar | editar la fonte]

Hasta 2007 el Consorciu pola la Normalización Llingüística, el Centru de Terminoloxía TERMCAT, l'Institutu d'Estudios Catalanes y la Direición Xeneral de Política Llingüística de Cataluña distribúyense l'atención de consultes llingüístiques de la población en xeneral, les empreses y entidaes, y los profesionales del mundu de la llingua. Al envís de resolver esta descentralización de l'atención de consultes llingüístiques y d'ufrir un serviciu unificáu, decidióse poner en funcionamentu l'Optimot. N'ochobre del 2007 entama a funcionar el buscador y en febreru del 2008, el serviciu d'atención personalizada. Los oxetivos principales yeren ameyorsr la calidá na atención de consultes llingüístiques al traviés de la unificación de criterios, y fomentar l'autonomía llingüística.

Fontes del Optimot[editar | editar la fonte]

• Diccionari de la llengua catalana del Institut d'Estudis Catalans (2a edición)

Diccionariu normativu de la llingua catalana.

• Diccionari català-castellà y Diccionari castellà-català (4a edició) d'Enciclopèdia Catalana

Diccionarios billingües, catalán-castellán y castellán-catalán, qu'incluyen léxicu xeneral, fraseoloxía y nomes propios.

• Fitxes de l'Optimot

Son fiches qu'espliquen de manera didáutica y curtia conteníos llingüísticos (d'ortografía, sintáxis, morfoloxía, léxicu...) y otros aspeutos significativos de la llingua (fraseoloxía, refranes, toponimia...).

• Verbs conjugats de la Gramàtica de la llengua catalana de l'Institut d'Estudis Catalans (versión provisional)

Son los modelos de conxugación de la Gramática de la llingua catalana del Institutu d'Estudios Catalanes (versión provisional), coles formes xenerales y les principales variantes dialeutales, y col desendolcu completu de los tiempos simples y los compuestos.

• Diccionaris terminològics del TERMCAT

Son los diccionarios fechos pol Centre de Terminologia TERMCAT que recueyen léxicu especializáu d'estremaes estayes del conocimientu. Les fiches que contienen términos normalizaos y les denomaciones de l'aplicación informática Plats a la carta presenten el so propiu distintivu.

• Col•lecció “Criteris Lingüístics” de la Direcció General de Política Lingüística

Son monografíes sobre aspeutos convencionales de la llingua (mayúscules, abreviaciones...) y sobre cuestiones d'estilu (criterios de redaición y de torna, llinguaxe non sexista...).

• Nomenclàtor oficial de toponímia major de Catalunya de la Comissió de Toponímia de Catalunya (2a edición)

Ye la obra que recueye los topónimos oficiales de Cataluña.

• Nomenclàtor toponímic de la Catalunya del Nord de l'Institut d'Estudis Catalans

Ye la obra que recueye la forma y la pronunciación catalanes de los topónimos más significativos de la Catalunya del Nord.

Serviciu d'atención personalizada[editar | editar la fonte]

Si nun se pue resolver la dulda llingüística col buscador, pue facese la consulta al serviciu d'atención personalizada. P'accedir, ha de calcase nel enllaz Atenció personalitzada y dase d'alta per aciu d'un formulariu. En tando fecho'l rexistru, puen unviase consultes per escrito y recibir les respuestes.

El serviciu d'atención personalizada failo un equipu de profesionales llingüísticos, y resuelve duldes concretes d'usu i normativa de la llingua catalana.

Ver tamién[editar | editar la fonte]

Termcat

Referencies[editar | editar la fonte]

Enllaces esternos[editar | editar la fonte]