Oligoelementu
Un oligoelementu[1] ye un elementu químicu requeríu pa la vida de los organismos en cantidaes bien pequeñes. Trátase d'elementos químicos esenciales y hai vegaes que tamién se-yos anoma elementos traza.
Los siguientes elementos (llistaos per orde alfabéticu) son consideraos oligoelementos n'humanos:
- Arsénicu
- Boru
- Bromu
- Cromu
- Cobaltu
- Cobre
- Flúor
- Fierro
- Manganesu
- Molibdenu
- Níquel
- Seleniu
- Siliciu
- Vanadiu
- Yodu
- Cinc
Pa otros elementos, como'l litiu, l'estañu o el cadmiu, la so esencialidá nun ta totalmente aceutada; mesmo d'ente la llista d'enriba nun ta clara la esencialidá del bromu y el boru.
Hai otros elementos que tán nuna mayor cantidá nos seres humanos, polo que nun se-yos denoma elementos traza. N'orde d'abondanza (en pesu) nel cuerpu humanu son: oxíxenu, carbonu, hidróxenu, nitróxenu, calciu, fósforu, azufre, potasiu, sodiu, cloru y magnesiu.
Los anteriores elementos son esenciales en seres humanos; hai elementos que namái lo son nunos determinaos seres vivos. Por exemplu'l wolframiu ye esencial en dalgunos microorganismos.
Cada elementu tien un rangu óptimu de concentraciones dientro del que l'organismu, neses condiciones, funciona adecuadao; dependiendo del elementu esti rangu pue ser más o menos ampliu. L'organismu dexa de funcionar adecuadao tanto por presentar deficiencia como por presentar un escesu nún d'estos elementos.
Referencies[editar | editar la fonte]
- ↑ Esti términu apaez nel Diccionariu de l'Academia de la Llingua Asturiana. Ver: oligoelementu
