Nueva

Nueva
Llocalización
Xeografía
Comunidá:	Principáu d'Asturies
Conceyu:	Llanes
Superficie	27,13
Población  • Habitantes  • Densidá	(2009) 752 hab. 27,71 hab./km²
Altitú	45 m

Nueva ye una parroquia del conceyu asturianu de Llanes. Asitiada na so fastera occidental, llenda: al norte col mar Cantábricu; al sur coles parroquies d'Ardisana y Los Caleyos; al este coles de Ḥontoria y Los Carriles; y al oeste cola parroquia de Pría y el conceyu de Ribeseya. La so estensión, de 27,13 km², comprende dos zones d'orografía bien dixebrada: al norte la rasa costera, na que s'atopen la capital parroquial, Nueva, y los llugares d'Obiu y Picones; y al sur una zona montuna, aú tán los llugares de Llamigu y Riensena. La so población (INE, 2009) ye de 752 habitantes.

Los más d'ellos (605 persones) viven na villa homónima, que ye'l tercer pueblu más grande del conceyu. Na so trama semiurbana alcontramos delles casones de los americanos, amás de la capiella del Cristu del Amparu (sieglu XVIII) y la ilesia parroquial de San Xurde, edificiu d'estilu historicista construyíu a finales del sieglu XIX.