Niš

De Uiquipedia
(Redirixío dende Nix)
Saltar a: navegación, buscar
Pa otros usos d'esti términu, ver Niš (dixebra). Disambig.svg

Bandera de Niš

Niš (en serbiu na grafía cirílica Ниш) ye la ciudá más grande del sur de Serbia, y la tercera del país por númberu d'habitantes dempués de Belgráu y Novi Sad. Según el censu de 2011 viven nella 183.164[1] persones, demientres que la so área metropolitana, formada pol so núcleu urbanu, la ciudá de Niška Banja y 68 barrios que s'esparden per un territoriu de 597 km², tien una población de 260.237[2] habitantes. Niš ye'l centru alministrativu del distritu de Nišava.

Niš ye una de las ciudaes más vieyas de los Balcanes y de toa Europa, y tien fama dende l'Antigüedá de ser un llugar de pasu ente l'Este y l'Oeste del continente. Fundada col nome de Navissos polos escordiscos nel añu 279 edC, foi conquistada polos romanos nel añu 75. Comunicada col restu l'imperiu pola Via Militaris, construyida nesi mesmu sieglu I, la ciudá ye'l llugar de nacencia de los emperadores Constantinu I el Grande, fundador de Constantinopla, y Constanciu III. Nel suburbiu de Mediana consérvase una de les ilesies más vieyes de Serbia, llevantada nel sieglu IV.

Anguaño la ciudá ye ún de los centros industriales más importantes de Serbia, con empreses electróniques, d'inxeniería mecánica, testiles y de manufactura de tabacu. Ye tamién la sé de la Universidá de Niš, que tien diez facultaes y 14.000 estudiantes.

Demientres la ocupación alemana na Segunda Guerra Mundial instalose, na rodiada de la ciudá, el primer campu de concentración de Yugoslavia. En 1942 una revolución armada nelli acabó cola fuga de dellos guerrilleros de la resistencia que foran capturaos polos alemanes na batalla de Kozara. L'episodiu cuéntase na película Lager Niš, dirixida por Miomir Stamenković en 1987.

Conceyu[editar | editar la fonte]

Freguesíes del conceyu de Niš

El conceyu de Nix ta formáu poles siguientes freguesíes:

  • Pantelej
  • Mediana (con restos arqueolóxicos romanos)
  • Crveni Krst
  • Palilula
  • Niška Banja



Enllaces esternos[editar | editar la fonte]

  1. [1]
  2. [2]