Nirvana

De Uiquipedia
Saltar a: navegación, buscar

NirvanaLogo.svg

Riestra de cancios del conciertu caberu de Nirvana


Nirvana foi una banda estaoxunidense de rock, procedente Seattle, Washington. Col ésitu del cenciellu "Smells Like Teen Spirit", del álbum Nevermind, Nirvana escaló nes riestres musicales en tol mundiu y entamó l'españíu de lo que fasta esi momentu yera punk underground y rock alternativu na escena musical mundial, nun movimientu al que los medios de la época referíense cumo grunge. Otres bandes de la escena musical de Seattle cumo Alice in Chains, Pearl Jam y Soundgarden tamién algamaron popularidá y, cumo resultáu, el rock alternativu camudó nun xéneru dominante na radio y televisión musical durante la primer mitá de la década de 1990.

Cumo cabezaleiru de la banda, Kurt Cobain atópase a si mesmu siñaláu nos medios de comunicación cumo "la voz d'una xeneración", y a Nirvana cumu la "banda símbolu" de la "Xeneración X". Cobain sintíase incómodu con una atención que se-yos brindaba y decidió empobinare l'atención del públicu p'hacia la música de la banda, retando a l'audiencia col so tercer álbum d'estudiu In Utero. Anque la popularidá de Nirvana meyoró nos meses siguientes a la espublización del álbum, bona parte de la so audiencia allabó l'interior "escuru" de la banda, n'especial dempués de la so presentación en MTV Unplugged.

La curtia carreira de Nirvana finó cola muerte de Cobain en 1994, mas la so popularidá medró ainda más nos años posteriores. Ocho años dempués de la muerte de Cobain, "You Know You're Right", un demo nunca asoleyáu que la banda grabara dos meses enantias de la muerte de Cobain, escalaba nes riestres de radio y música de tol mundiu. Dende'l so debú, la banda vendiéu más de 50 millones d'álbumes a escala mundial, incluyendo 10 millones d'exemplares de Nevermind nos Estaos Uníos. La so música sigue siendo emitida poles estaciones de radio en tol mundiu.

Discugrafía[editar | editar la fonte]

Bleach - 1989 (Sub Pop)

Nevermind - 1991 (DGC Records)

Incesticide - 1992 (DGC Records)

In Utero - 1993 (DGC Records)

Unplugged in New York - 1994 (DGC Records)

From the Muddy Banks of the Wishkah - 1996 (DGC Records)

Nirvana - 2002 (DGC Records)

Sliver: The Best of the Box - 2005 (DGC Records)