Nicolás Montañez

Nicolás de San Luis Montañez foi un guerreru mexicanu del sieglu XVI, nacíu en Tula.

Descendía de los reis tolteques y yera pariente bien cercanu de Moctezuma II. Alióse a los conquistadores y desempeñó un gran papel. Carlos V nomólu cacique de la ciudá de Tula y capitán xeneral pa que pacificare'l país de los chichimeces y otomises, nomamientos que xunto col de caballeru de Santiago fueron daos pola propia mano del virréi Luis de Velasco en 1551.

Después d'axuntar un pequeñu exércitu foi con él al alcuentru del cacique chichimeca Maxorro, al que consiguió ganar y facer prisioneru. Nun se sabe que tomara parte en nengún fechu posterior, yá que dalgún tiempu más tarde Valerio de la Cruz desempeñaba'l mesmu cargu que Montañez, que morrió en Méxicu y foi soterráu'l conventu de San Francisco.

Enllaces esternos

• Wikimedia Commons tien conteníu multimedia tocante a Nicolás Montañez.

• Datos: Q9050030