Colás Maquiavelu

De Uiquipedia
(Redirixío dende Nicolás Maquiavelo)
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Estatua de Maquiavelo.
"Nicolás Maquiavelo"

Nicolás Maquiavelo (en italianu Niccolò di Bernardo dei Machiavelli) (Florencia, 3 de mayu de 1469 - ib., 21 de xunu de 1527) foi un diplomáticu, funcionariu públicu, filósofu políticu y escritor italianu. Asinamesmo, foi una figura relevante del Renacimientu italianu. En 1513 espublizó'l so tratáu de doctrina política tituláu «El Príncipe».

Biografía[editar | editar la fonte]

Nicolás Maquiavelo nació nel pequeñu pueblu de San Casciano in Val di Pesa, a unos quince kilómetros de Florencia el 3 de mayu de 1469, fíu de Bernardo Machiavelli (abogáu perteneciente a una aprobetada rama d'una antigua familia influyente de Florencia) y de Bartolomea di Stefano Nelli, dambos de families cultes y d'oríxenes nobiliarios pero con pocos recursos por causa de les deldes del padre.

Ente 1494 y 1512 Maquiavelo tuvo al cargu d'una oficina pública. Viaxó a delles cortes en Francia, Alemaña y otres ciudaes-estáu italianes en misiones diplomátiques. En 1512 foi encarceláu por un curtiu periodu en Florencia, y dempués exiliáu y despacháu a San Casciano. Morrió en Florencia en 1527, au lu enterraron na Basílica de Santa Cruz.