Nicolás Bartolomé Pérez

Nicolás Bartolomé Pérez ye un abogáu y escritor llionés, residente n'Asturies.

Gran conocedor de la mitoloxía y la lliteratura popular asturiana y llionesa, tien andecháu con delles revistes, como El canciu'l Cuélebre, Lletres Asturianes, Revista de Folklore, Faceira, o Asturies, memoria encesa d'un país.

Tien publicáu un llibru, Filandón, lliteratura popular llionesa (Zaragoza, 2007).

Nicolás Bartolomé Pérez trabaya activamente como xurista pa conseguir un mayor espaciu llegal pa la nuesa llingua dientro d'Asturies y Castiella y Lleón, siendo un espertu en temes llingüístico-llegales. Ye, asinamesmo, dende 2010, miembru correspondiente de la Academia de la Llingua Asturiana.

Enllaces esternes

• Entrevista a Nicolás Bartolomé Pérez na Revista Alcuentros (En castellán)