Neuschwanstein

De Uiquipedia
Saltar a: navegación, buscar
Semeya del castiellu Neuschwanstein.

Neuschwanstein ye un castiellu llevantáu por orde de Lluis II de Baviera (n'alemán Ludwig), y significa la nueva piedra del Cisne (Schwan significa Cisne). Alcuéntrase en Baviera, Alemaña.

Lluis pidió dos condiciones na so construcción: primera, sería edificáu por trabayadores bávaros, y con materiales bávaros, lo que favoreció la creación d'una artesanía poderosa en Baviera que fixo d'ella unu de los mayores enclaves industriales d'Alemaña fasta los nuesos díes. Y segunda, por fuera debía asemeyase a los castiellos de los cuentos de fades que tanto admiraba na so mocedá, pero per dientro debía tener tolos avances teunolóxicos de la dómina. El castiellu asemeyábase tanto a los cuentos tradicionales alemanes que foi escoyíu pola compañía Walt Disney como modelu pa'l castiellu de la Bella Durmiente, el cual ye'l principal símbolu (tienen una réplica nesti parque) del Disneyland Resort Paris o Eurodisney. Per dientro, amás de continues referencies a estos cuentos o a diverses lleendes y personaxes medievales (Tristán ya Isolda, Fernando el Católicu), contien una completa rede de lluz llétrica, el primer teléfonu móvil de la historia (con una cobertura de seis metros), una cocina qu'aprovechaba la calor siguiendo riegles ellaboraes por Leonardo da Vinci, y prestoses vistes y paisaxes de los Alpes, incluyendo una cascada que podía contemplase dende l'habitación del gobernante.

Col retiru voluntariu de la capital, Munich, Luis II treslladóse a esti castiellu, y terminó viviendo ellí de manera permanente, supervisando la so construcción dende unes escaleres que constituyíen el sitiu favoritu pa siguir los avances de la obra. Sicasí, nun pudo contemplalu termináu namás qu'unos díes, al morrer afogáu n'un llagu de los alredores.

Los descendientes de Lluis II vendiéronlu al gobiernu bávaru, pasando más tarde al alemán. La cantidá pola que lu vendieron iguala a los ingresos anuales actuales que'l castiellu obtien pola cantidá de turistes que van a visitalu.

Enllaz esternu[editar | editar la fonte]

{{{2}}}
Wikimedia Commons tien archivos rellacionaos con: