Nerbatu
|
|
||||||||||||||
|---|---|---|---|---|---|---|---|---|---|---|---|---|---|---|
 Un nerbatu defende'l so ñeru d'una Aviquina |
||||||||||||||
| Clasificación científica | ||||||||||||||
|
El Nerbatu o Ñerbatu (Turdus merula), páxaru perfácil d'atopar n'Asturies, ye un miembru europeu del xéneru Turdus y la familia Turdidae.
[editar] Descripción
- Altor: 21 cm.
- Anchura: 35 cm.
- Ala: 11,6 cm.
- Pesu: 80 gr.
- Picu: 21 mm.
- Rabu: 8,6 cm.
El nerbatu, ñerbatu o miruellu, tamién nomáu torda en delles zones nel Cotarru del Nalón, alcuéntrase abondo nes viesques de toda Europa y na mayor parte d'Asia. Les poblaciones quédense tou l'añu nel mesmu llugar, magar que nel norte d'Europa viaxen al sur n'iviernu.
El nerbatu ye omnívoru, cébase de tou tipu d'inseutos, merucos, grana y frutes. Añera nos matos, ónde pon dellos (al rodiu de 4) güevos azulin con pintes nún nial en forma goxu. Nun fai bandaes, pero dellos ñerbatos son a vivir nel mesmu habitat.
El machu ye dafechamente prietu, con un cercu mariellu al rodiu los sos güeyos y el picu color naranxa-mariellu. La fema'l ñerbatu, y los pitinos, son pardizos col picu prietu y nun tienen el cercu mariellu en torno a los güeyos.
El machu de nerbatu ye perconocíu n'Asturies polos sos prestosos cantares, estremando'l so cantu nel alborecer, nel mediudía, nel tapecer y nes dómines de celu. Amás, sábese que'l machu'l ñerbatu deprende cantares d'otros páxaros, remedando-yos.
