Nel Amaro

Nel Amaro
Vida
Nacimientu	Santa Rosa, 24 d'avientu de 1946
Nacionalidá	España
Muerte	Uviéu, 4 d'abril de 2011 (64 años)
Estudios
Llingües falaes	castellanu asturianu
Oficiu	escritor
Miembru de	Academia de la Llingua Asturiana
Seudónimos	Nel Amaro

Manuel Amaro Fernández Álvarez (24 d'avientu de 1946, Santa Rosa – 4 d'abril de 2011, Uviéu), más conocíu como Nel Amaro foi un escritor asturianu, miembru de númberu de l'Academia de la Llingua Asturiana.

Biografía

Poeta, novelista y dramaturgu, escribió en castellán y n'asturianu. Foi presu políticu durante los últimos años de la dictadura franquista (sospechosu de tar implicáu nel atentáu de la Calle Correo y fundó y dirixó, en Mieres y Turón, les revistes Sapiens' y Cuélebre literario. La so obra poética repártese ente les siguientes obres:

• Responsos llaicos
• Habitación de poeta
• Boca arriba, lentamente naufragando
• Y, tú, Marta B., qu'entoncies nun yeres, tampocu, l'Anna Karina de les películes de Jean Luc Godard
• Diariu d'un polizón
• Reversos
• Poemes de San Francisco
• Pruebes d'autor

Son d'él tamién obres teatrales como Antígona, por exemplu y El banquete y les siguientes noveles:

• ¡Adiós Dvorak!
• Novela ensin títulu
• ¡¡¡Falanxista!!!
• 'Na borrina
• L'últimu del pelotón

Ente los gallardones que recibió alcuéntrense'l Soto Torres de Teatru, el Xana del Bable, el III Premiu Nacional de Cuentos el Llano, etc.

Homenaxes y reconocimientos

• Conseyu de la Mocedá de Xixón en 1999
• Conceyu de Corvera d'Asturies, nel Primer Alcuentru de Performancia nel 2000.
• Dende'l 2017, el Gobiernu d'Asturies entama'l Premiu Nel Amaro de Teatru Profesional en llingua asturiana o gallegoasturianu

Enllaces esternos

• Noticia del fallecimientu de Nel Amaro

• Datos: Q9049180