Nacho Vegas

De Wikipedia
Nacho Vegas
Vida
Nacimientu Xixón9 d'avientu de 1974 (49 años)
Nacionalidá España
Estudios
Estudios Universidá d'Uviéu
Llingües falaes castellanu
Oficiu cantautor
Emplegadores Limbo Starr (es) Traducir
Marxophone (es) Traducir
Xéneru artísticu pop
rock
música folk
rock alternativu
Indie rock
Mena de voz Barítonu
Instrumentu musical guitarra
Discográfica Marxophone (es) Traducir
IMDb nm1516921
Cambiar los datos en Wikidata

Nacho Vegas(9 d'avientu de 1974Xixón) ye un músicu asturianu, perimportante nel desendolque de la música española alternativa ("indie") nos años 1990.

Los entamos musicales de Nacho Vegas alcuéntrense no que se llamó "Xixón Sound": nos caberos años 80, la ciudá de Xixón tornóse un amburante centru cultural nel que xurdieron munchos grupos mozos, como Penélope Trip, Australian Blonde o Dr. Explosion, que naguaben por una música mui llonxana da que se facía n'España nesa dómina. Baxo l' influxu de Sonic Youth, Dinosaur Jr., Pixies, Hüsker Dü o My Bloody Valentine, procuraben un soníu qu' amestara melodíes nidies y llimpies con un ruíu fechu de violencia y llercia. Vegas entamó como guitarrista col grupu Eliminator Jr. - nome d'un cantar de Sonic Youth -, qu' espublizó un discu namás , Chándal. D'ehí pasó al grupu col que algamaría abonda reconocencia nel mundiu indie: Manta Ray - otra vuelta un nome de cantar, nesti casu de Pixies. Con Manta Ray espublizaría, tamién como guitarrista, dellos EPs y los discos Manta Ray (1995) y Pequeñas puertas que se abren, pequeñas puertas que se cierran (1997). Manta Ray ye, ensin dulda, un grupu perimportante na "escena alternativa" española, por tene-y dao costancia ya puxu a un xeitu de música que, munches vegaes y en munches bandes, paecía abondo amateur.

En 1997 aparez Diariu I, el primer discu de Vegas nel so proyeutu paralelu Diariu: Vegas pon música a dellos poemes n'asturianu de Ramón Lluís Bande, col qu'en 1999, tras colar de Manta Ray, espublizará Diariu II. En 2002 Bande dirixe El fulgor, documental so'l mou creativu de Vegas, nel que la cámara percuerre tol camín dende que'l músicu entama a trabayar nuna canción (la mesma que da títulu al documental) hasta que-y da fin y la toca nun conciertu.

En 2001 Nacho Vegas graba, baxo'l so nome, el discu Actos inexplicables. Si dica esi momentu nun hai namás que visos de Nacho Vegas como músicu "en collaboración", esti debú amuesa el so caráuter completu: lletres fondes, escures ya intimistes, nel camín de Bob Dylan, Leonard Cohen o Nick Drake, con melodíes seles y agries, que pasen de la guitarra acústica al contrabaxu, y de los istrumentos de vientu a les guitarres frayantes. En 2003 espubliza'l discu doble Cajas de música difíciles de parar, onde les sos traces musicales apaecen yá pernidies, afondaes. Del añu 2005 ye Desaparezca aquí, discu inda más escuru, pero tamién con más retranca ya humor negru; los cantares, llargos (5, 6 ó 7 minutos cadún), somórguiense n'hestories tráxiques y borrinoses, onde nunca nun se sabe cuál ye la verdá.

Discografía[editar | editar la fonte]

En solitario[editar | editar la fonte]

Referencies[editar | editar la fonte]

Enllaces esternos[editar | editar la fonte]