Muzaiko

De Wikipedia
Emblema de Muzaiko

Muzaiko ye una emisora de radio que tresmite totalmente n'idioma esperantu les 24 hores del día pola interné.

Historia[editar | editar la fonte]

N'abril de 2010 surdieron les primeres idees sobro'l proyeutu durante'l Congresu Británicu d'Esperantu ente persones de diferentes países colos mesmos oxetivos: crear una emisora n'esperantu qu'emitiese programación les 24 hores del día. El grupu de collaboradores creció rápidamente y elixóse'l nome Muzaiko pala radio. La pallabra Muzaiko ye una combinación de les pallabres "muziko" (música) y "mozaiko" (mosaicu), lo cual queda reflexáu nel logo y na so programación que dedica gran parte del so tiempu a la divulgación de la música n'esperantu. La radio usa provisionalmente los servicios de Radionomy, rede con varies radios en llinia a cambiu de publicidá y dende'l 1 de xuliu Muzaiko tresmite les sos emisiones anque baraxase la posibilidá de treslladarse a un sitiu propiu.

Equipu[editar | editar la fonte]

El proyeutu tá fechu por xóvenes esperantistes de diferentes países, los cuales contribuyen mediante interné. Los asuntos son trataos en foros, uno principal y otros secundarios, y ocasionalmente realizanse alcuentros virtuales en skype y dalgún qu'otru alcuentro real nos alcuentros esperantistes. L'equipu nun tá zarráu y activamente gueta nuevos voluntarios mediante los medios esperantistes pa incrementar la so programación y ameyorar la calidá de los conteníos.[1]

Programa[editar | editar la fonte]

Dende'l 3 d'ochobre de 2011 repitese un bloque de programes con duración aproximada de 3 hores, del cual una hora consiste en nuevos programas. La radio hasta la fecha tresmite música, noticies internacionales cada una hora completa, entrevistes, charres con esperantistes conocíos y publicidá d'Esperantujo; y tamién retresmitense fragmentos de podcasts n'esperantu d'otros grupos o individuos.[2]

Referencies[editar | editar la fonte]

Enllaces esternos[editar | editar la fonte]