Mosela (departamentu)

Mosela (57) (en francés Moselle) ye un departamentu francés asitiau na rexón de Lorena. Debe'l so nome al ríu que lu traviesa, el Mosela.

Xeografía

El departamentu de Mosela atopa a l'este col Baxo Rin, al suroeste con Meurthe y Mosela, al noroeste con Luxemburgu y al noreste con Alemaña (estaos de Sarre y Renania-Palatinau).

Les ciudaes principales, amás de la capital Metz, son Boulay-Moselle, Château-Salins, Forbach, Sarrebourg, Sarreguemines y Thionville.

Les principales ciudaes son (datos del censu de 1999):

• Metz: 123.776 habitantes, 322.526 n'aglomeracìón urbana, los sos llímites salense del departamentu.
• Thionville: 40.907 habitantes, 130.480 n'aglomeración urbana.
• Sarreguemines: 23.202 habitantes, 30.236 na parte francesa de l'aglomeración urbana.
• Forbach: 22.807 habitantes, 92.845 na parte francesa de l'aglomeración urbana.
• Saint-Avold: 16.922 habitantes, 37.236 na parte francesa de l'aglomeración urbana.

Personaxes ilustres

Esti departamentu ye patria del mariscal Fabert, Le Duchat y Ancillon.

Tres ministros de Francia nacieron n'esti departamentu que son los que vienen darréu:

• Bouchote que foi ministru de la República nos tiempos de la Revolución.
• Barbé-Marbois que foi ministru en tiempos de l'Imperiu napoleónicu.
• De Serre que foi ministru de la Restauración de 1815.

Enllaz esternu

• Conseyu Xeneral (en francés)