Moscu de Sidón
Moscu de Sidón | |
|---|---|
| Vida | |
| Nacionalidá | Fenicia |
| Oficiu | filósofu, astrónomu, historiador |
 | |
Moscu de Sidón (h. sieglu XIV e.C.), sabiu y pensador d'orixe feniciu. Puede consideráse-y semillexendariu, darréu que son desaxeradamente escasos (cásique nulos, non yá en cantidá de fontes, sinón tamién en cantidá d'información) los datos y referencies que sobre él aportaron hasta los nuesos díes.
La so vida asítiase, acordies colos pocos datos de que se dispón, en tiempos anteriores a la guerra de Troya (asocedida aproximadamente h.-1270/-1180).
Tanto'l filósofu, historiador y xeógrafu griegu Estrabón de Ponto (h.-64/-58 - h 19/25) como'l médicu y filósofu escépticu (pirrónicu) Sestu Empíricu (o Sestu el Empíricu) (sieglos II y III), atribúyen-y el ser el primeru en concebir el pensamientu atomista (o corpuscular) y, poro, la creación del atomismu; sentando d'esta manera na so persona, l'orixe de la filosofía atomista aproximadamente un mileniu enantes de los filósofos presocráticos denominaos físicos, como los pluralistes Anaxágoras de Clazomene (h-500 - h-428) y Empédocles d'Acragas (h-493/-490 - h-433/-430) o inclusive de Leucipu (d'Abdera, de Mileto, de Melos, de Clazomene o d'Elea) (s.-V), maestru del filósofu Demócritu d'Abdera (h.-470/-460 – h.-370-360), siendo estos dos últimos quien son davezu consideraos como los padres del atomismu griegu.