Moresnet

De Uiquipedia
Saltar a: navegación, buscar

Coordenaes: 50°43′49″N 6°0′48″E / 50.73028°N 6.01333°E / 50.73028; 6.01333

Neŭtrala Moresneto
Bandera Moresnet
Bandera Moresnet
Lema nacional:
Himnu nacional: Amikejo
Situación Moresnet
Capital Kelmis
Mayor ciudá
Idiomes oficiales Esperantu
Forma de gobiernu'
'
Condominiu prusianu-hollandés,
primero y dempués xermánicu-bélxicu
Superficie
 • Total
Puestu º
3,5 km²
Población
 • Total
 • Densidá
 • Densidá
Puestu º
400
114,3 ab./km²
114,3 hab/km²
PIB (PPA)
 • Total ([[]])
 • PIB per capita
Puestu º

Moneda Francu francés
Xentiliciu
Zona horaria
Dominiu d'Internet
Códigu telefónicu +
Prefixu radiófonicu
Códigu ISO
Miembru de:
Sitiu web del Gobiernu:
{{{web_gobiernu}}}

Moresnet o Moresnet Neutral (esperantu: Neŭtrala Moresneto) foi, ente 1816 y 1919, un pequeñísimu estáu de cerca de 3,5 km² qu'esistió únicamente porque los sos dos grandes vecinos nun llograban ponese d'acuerdo sobre a cual de los dos países pertenecía; decidiendo, polo tanto, convertilo nun territoriu neutral del cual ambos vecinos teníen el mesmu nivel de control. Taba asitiáu a unos 7 km al sudoeste d'Aquisgrán (Aachen n'alemán, Aix-la-Chapelle en francés), al sur del puntu de frontera común ente Alemaña, Bélxica y los Países Baxos, el pequeño monte Vaalserberg.

Puxanza[editar | editar la fonte]

Sellu de Moresnet de 1867

Tres les Guerres Napoleóniques, el Congresu de Viena de 1815 alteró profundamente'l mapa d'Europa p'adaptase a los equilibrios de poder de la época. Una de les fronteres camudaes foi la que separabal nuevu reinu de los Países Baxos y el reinu de Prusia. La mayor parte de la frontera foi pactada de común acuerdo dau que siguía la frontera tradicional, sin embargo, cerca de Moresnet presentóse un problema. Ente los pueblos de Moresnet y Neu-Moresnet s'alcontró la valiosa mina de cinc de Vieille Montagne (en francés) / Altenberg (n'alemán). Ambos países presionaben pa qu'esti recursu quedara dientro de les sos fronteres hasta qu'en 1816 s'alcontró una solución: el pueblu de Moresnet estaría nel Reinu d'Holanda, el de Neu-Moresnet quedaría en Prusia y la zona ente los dos pueblos (el pueblu de Kelmis, La Calamine en francés, en cuyes inmediaciones s'alcontraba la mina de cinc) sería neutral estableciéndose una alministración conxunta ente los dos países.

El nuevu territoriu, de forma aproximadamente triangular, taba llindáu al sur pola carretera ente Aquisgrán y Liexa. La mina alcontrabase xusto al norte d'esa vía. Dende esta vía, dos llinies rectes diben hacia'l norte acercándose la una a la otra hasta que finalmente confluían nel monte Vaalserberg. Al dixebrase Bélxica del Reinu Xuníu d'Holanda en 1830, esti país tomó los compromisos d'Holanda sobre Moresnet, si bien los holandeses nunca reconocieron oficialmente esta tresferencia. El territoriu foi anicialmente esgobernáu por dos comisionaos reales, uno de cada vecino. Más tarde Moresnet obtuvo mayor autonomía al nomase un alcalde (nomáu polos comisionaos) y un conceyu de diez miembros.

Bandera non oficial de Moresnet (1883).

L'actividá económica de Moresnet Neutral taba dominada pola actividá de la mina de cinc, que yera la mayor fonte d'empleos y atraxo a munchos trabayadores provenientes de los países vecinos, si bien la población nunca superó los 3000 habitantes. El carácter neutral de Moresnet traía algunos beneficios adicionales: baxos impuestos, ausencia de tarifas d'importación dende los países vecinos, y un coste de vida más baxo que'l de les zones que lo rodiaben. La mayoría de los servicios (correos, etc.) yeren compartíos ente Bélxica y Prusia (de forma similar a los de Andorra). Los ñacíos na zona podíen escoyer u realizar el serviciu militar y a qué xurisdicción acoyese. Como desventaxa, se consideraba que los nativos de Moresnet yeren apátrides (nun teníen realmente un Estáu) y por tanto nun se permitía la esistencia d'un exércitu.

Caída[editar | editar la fonte]

Al agotase la mina, en 1855, surdieron les duldes sobre la viabilidá económica de Moresnet. Diverses idees foron propuestes p'establecer una entidá independiente, ente elles el establecimientu d'un casinu y un serviciu postal propiu con emisión de sellos. La iniciativa más interesante foi propuesta pol Dr. Wilhelm Molly, quien propusu que Moresnet se convirtiera nel primer país cuya llingua oficial fora'l esperantu y camudara'l so nome a Amikejo ("llugar d'amistá"). L'himnu nacional propuestu llevaba'l mesmu nome. Sin embargo, Bélxica y Prusia solo aceptaben esta solución de manera temporal y, a partir de 1900 Prusia en particular tomó una actitú más agresiva hacia'l territoriu y foi acusáu de sabotaxe y d'obstruir los procesos alministrativos del enclave a fin de forzar la reversión del territoriu. En 1914, mientres la Primera Guerra Mundial, Alemaña invadió Bélxica y s'anexó Moresnet al so territoriu en 1915. Nesi momentu terminó la neutralidá de Moresnet.

El Tratáu de Versalles de 1919 finó colos cien años de neutralidá decidiendo que Moresnet fora anexionáu por Bélxica. Durante la Segunda Guerra Mundial el territoriu había sío anexionáu a Alemaña, pero volvió a formar parte del territoriu bélxicu a partir de 1944. Esti territoriu tovía esiste, en cierto mou, como'l municipiu de Kelmis/La Calamine nos cantones orientales de Bélxica.

Enllaces esternos[editar | editar la fonte]