Mongoles

De Uiquipedia
Saltar a: navegación, buscar

Los mongoles son un pueblu d'Asia, que vive anguaño en Mongolia, en Rusia y en China, especialmente na Mongolia Interior.

Actualmente hai unos 10 millones de mongoles, que falen diferentes llingües de la familia altaica.

Historia[editar | editar la fonte]

Nel primer milenariu de la nuesa era, los mongoles vivíen na Siberia Oriental. Esta situación d'alloñamientu pa coles grandes civilizaciones d'Asia, explica que la so cultura tea poco evolucionada, al contrario que la de los turcos.

A principios del segundu milenariu desplazáronse hasta'l territoriu que se diba convertir na actual Mongolia.

Anque nun yeren mui numberosos (la población estímase en 200.000 persones nel apoxéu del so imperiu), los mongoles xugaron un papel perimportante na historia mundial. Agrupaos al mandu de Xenxis Can, crearon el mayor imperiu de tolos tiempos, con 35,7 millones de km² y más de 100 millones de persones baxo la so alministración. Llegaron a controlar la mayor parte de China, Corea, Indochina, Birmania, Irán, Iraq, Asia Menor, Rusia, Polonia, Hungría y parte de los Balcanes.

En cambiu, los mongoles fracasaron per dos veces na conquista de Xapón. La primera vez el tifón kamikaze (vientu de los dioses, del xaponés kami "espíritu, dios" y kaze "vientu") aniquiló la flota mongol. La segunda vez los barcos sobrevivieron a otru tifón, pero perdiéronse toles provisiones. La infantería y los samurais xaponeses derrotaron ensin mayor dificultá a unos soldaos mongoles esfamiaos.

Enllaces esternos[editar | editar la fonte]