Mensax d'Arecibo

De Uiquipedia
Saltar a: navegación, buscar
Pa otros usos d'esti términu, ver Arecibo (dixebra)
Mensax d'Arecibo. Los colores amestáronse pa solliñar les diferentes estayes. El mensax orixinal nun tien información sobro colores.

El mensax d'Arecibo ye un mensax unviáu dende'l radiotelescopiu d'Arecibo en 1974. El mensax tinía una llonxitú de 1679 bits y foi unviáu na direición del cúmulu d'estrelles de M13, ensamáu por mediu millón de soles. Caltién información sobro l'allugamientu del Sistema Solar, de la Tierra y del ser humanu. El mensax foi diseñáu por Frank Drake, Carl Sagan y otros.

Los "ceros" y los "unos" foren tresmitíos por desplazamientu de frecuencia con una cadencia de 10 bits per segundu. Nuna llonxitú d'onda comparatible, la faza d'enerxía emitío dende la pequeña islla caribeña foi demientres 169 segundos, un millón de vegaes más potente que la lluz del Sol (3 billones de vatios (3x10^12)).

El númberu 1679 elixóse porque ye'l productu de dos númberos primos, poro namái pue descomponese en 23 fileres y 73 columnes, ó tamién en 23 columnes y 73 fileres. Sicasí, esto supón que quien lu llea, pescancie cómo axeitar los datos en forma de rectángulu. La información concasada de la primera mena, nun xenera nengún tipu d'información con xacíu, pero de la segunda mena caltién información sobro la Tierra y la especie humana. Lleíu d'esquierda a drecha (la imaxe d'esti artículu tá invertía respeutu al mensax orixinal) presenta:

  1. los númberos del unu al diez,
  2. los númberos atómicos del hidróxenu, carbonu, nitróxenu, oxíxenu y fósforu,
  3. los componentes qu'ensamen l'ADN del Homo sapiens sapiens, (l'especie qu'unvía el mensax);
  4. les fórmules de los zucres y bases nos nucleótidos del ADN;
  5. el númberu de nucleótidos nel ADN y la so cadarma hellicoidal duble;
  6. la figura d'un ser humanu y el so altor;
  7. la población de la Tierra;
  8. el nuesu Sistema Solar;
  9. y una imaxe del radiotelescopiu d'Arecibo col so diámetru.


Darréu qu'al mensax tomará-y 25 milenios p'aportar al so destín (y la rempuesta otros 25 milenios), el mensax d'Arecibo foi más una amuesa de los llogros teunolóxicos humanos qu'un intentu real d'establecer contautu con estraterrestres.

Per otru llau, ye dable que nin siquier M13 tea ehí pa cuando aporte la faza de lluz, darréu que les estrelles, como la nuesa, muévense. Si daquién deteutare la señal, alcontraríala na frecuencia de 2380MHz con una potencia diez millones de vegaes superior a la que la nuesa estrella emite nesa frecuencia, y namái demientres 169 segundos. De toes toes, si daquién tá adicando, dende lluéu decatarase que daqué especial asocede.


Desplicación[editar | editar la fonte]

Númberos[editar | editar la fonte]

Part 1 — The numbers from 1 to 10
1 2 3 4 5 6 7 8  9  10
----------------------
0 0 0 1 1 1 1 00 00 00
0 1 1 0 0 1 1 00 00 10
1 0 1 0 1 0 1 01 11 01
X X X X X X X X  X  X  <-llinia-d'entamu-de-cada-díxitu


Los númberos del 1 al 10 aparecen en formatu binariu. (La filera d'abaxo señala l'entamu de cada númberu). Inclusu conociendu'l formatu, la codificación de los númberos pue llevar a engañu. Pa lleer los siete primeros númberos, ha d'escaecese la filera d'abaxu, y lleer como tres bits dende arriba a abaxo. Pa les llectures de los númberos 8, 9 y 10 ha de facese de mena desemeyada a los anteriores darréu que tienen una columna amestada a mandrecha (a manzorga na rialidá, yá que la imaxe ta invertida), un métodu abondo cuciu y mañosu, puesto qu'alluga un "uno" na mandrecha pa indicar l'acarréu, y el restu déxalo igual como si fuere el 0, el 1 y el 2.


Elementos del ADN[editar | editar la fonte]

Part 2 — The elements constituting DNA
1 6 7 8 15
----------
0 0 0 1 1
0 1 1 0 1
0 1 1 0 1
1 0 1 0 1
X X X X X

Los númberos 1, 6, 7, 8 y 15 representen l'hidróxenu (H), Carbonu (C), Nitróxenu (N), Oxíxenu (O) y Fósforu (P), respeutivamente. Estos son los componentes del ADN.

Nucleotidos[editar | editar la fonte]

Part 3 — The nucleotides of DNA
Desoxirribosa Adenina  Timina    Desoxirribosa 
(C5OH7)       (C5H4N5)  (C5H5N2O2)       (C5OH7)

Fosfatu                                Fosfatu
(PO4)                                     (PO4)

Desoxirribosa Citosina  Guanina  Desoxirribosa
(C5OH7)       (C4H4N3O)  (C5H4N5O)       (C5OH7)

Fosfatu                                Fosfatu
(PO4)                                     (PO4)


Lluéu d'amosanos los átomos qu'ensamen l'ADN, amuésase en qué proporciones s'alcuentren nos diferentes nucleótidos. Na imaxen tán desplicaos los elementos que constitúin esta estaya del mensax. El fechu de que nel mensax tean repetíos dalgunos d'estos elementos débese a la formación n'escalera formada por zucres, fosfatos y cuatro bases nucleotídiques nomaes Adenina (A), Timina (T), Citosina (C) y Guanina (G). Carl Sagan foi siempre un convencíu de qu'esta mesma química nes sos infinites menes d'ordenamientu enllenaríen les estrelles de vida.


Héliz duble[editar | editar la fonte]

Part 4 — The DNA double helix structure
11
11
11
11

11
01
11
11
   1111 1111 1111 0111 1111 1011 0101 1110 (binary)
01                         = 4,294,441,822 (decimal) 
11
01
11

10
11
11
01
X

Héliz duble del ADN (la barra vertical representa el númberu de nucleótidos, pero'l valor ye alrodiu de 4.3 billones, cuando dafechu hai 3.2 billones de pares base nel xenoma humanu).


Humanidá[editar | editar la fonte]

Part 5 — Human form, the height and population of humans
        ^
        |
        |
        |             X011011
                       111111
left: X0111     right: 110111
                       111011
        |              111111
        |              110000
        v
            1110 (binary) = 14 (decimal)
000011 111111 110111 111011 111111 110110 (binary)
                          = 4,292,853,750 (decimal)

L'elementu del centru representa un humanu. L'elementu na esquierda (na imaxe) ye la so altura promediu: 1764 mm. Esto correspuende al 14 escritu n'horizontal multiplicáu pola única midida de llonxitú qu'apaez nel mensax, que nun ye nin más nin menos que la so llonxitú d'onda (126 mm). L'elementu de la drecha ye'l tamañu de la población humana codificáu en 32 bits: 4.292.591.583

Planetes[editar | editar la fonte]

Part 6 — The Sun and the planets
                  Tierra
Sol Mercuriu Venus       Marte Xúpiter Saturnu Uranu Neptunu Plutón


La Tierra apaez desalliniada, p'amosar d'au vien el mensax.


Telescopiu[editar | editar la fonte]

Part 7 — The Arecibo radio telescope
bottom two rows:       100101
                 <---  111110X  --->
100101 111110 (binary) = 2,430 (decimal)

Na cabera parte, represéntase al radiotelescopiu d'Arecibo col so diámetru (2430 multiplicáu pola llonxitú d'onda= 306,18 m)


Enllaces esternos[editar | editar la fonte]