Marfik

Marfik
	sistema estelar triple (es)
Datos d'observación
Ascensión reuta (α)	247,72833 °
Declinación (δ)	1,98417 °
Constelación	Ophiuchus
Carauterístiques físiques
Radiu	2,5 Radius solars
Masa	1,9 M☉
Otros nomes
	Ver llista PMSC 16259+0212 (MSC - a catalogue of physical multiple stars); WDS J16309+0159AB,C (Catálogo de Estrellas Dobles Washington (es) ); CCDM J16309+0159ABC (Catalog of Components of Double and Multiple Stars (en) ); 10 Oph (Denominación de Flamsteed (es) ); λ Oph (Denominación de Bayer);

Coordenaes: 16^h 30^m 54.799^s, 1^° 59^′ 3.012^″

Marfik (λ Oph / λ Ophiuchi / 10 Ophiuchi / HD 148857)^[4] ye una estrella na constelación d'Ophiuchus de magnitú aparente +3,82. El so nome provién del árabe Al-Mirfaq y significa «el coldu», refiriéndose al coldu d'Ophiuchus. Marsik, otru nome utilizáu pa esta estrella, sirve tamién pa designar a κ Herculis A y κ Herculis B.^[5]

Marfik ye una estrella binaria asitiada a 166 años lluz de distancia del Sistema Solar. Los sos dos componentes son estrelles blanques de la secuencia principal.^[6] La componente principal, Marfik A, tien tipu espectral A1V y una temperatura de 9300 K. La otra componente, Marfik B, más fría con una temperatura de 8500 K, tien tipu espectral A4V. Marfik A ye 3,2 vegaes más lluminosa que la so compañera y 56 vegaes más que'l Sol. El so radiu ye 2,5 vegaes más grande que'l de la nuesa estrella y ye 2,6 vegaes más masiva qu'ésta. Marfik B, col doble de masa que'l Sol, tien un radiu un 90% más grande que'l radiu solar. Ciertes discrepancies na masa total del sistema faen abarruntar la esistencia d'una compañera cercana non detectada.^[6]

El periodu orbital del sistema ye de 129 años y al ser el so órbita escéntrica la separación ente los dos componentes varia ente 18 y 68 UA. La mínima separación tuvo llugar nel añu 1939, ente que nel añu 2004 la separación yera máxima. Una tercer estrella de magnitú 11, visualmente a 2 minutos d'arcu, comparte'l movimientu de Marfik al traviés del espaciu. Tan alloñada que nun se detectó movimientu orbital —la so distancia respeutu al par interior ye de siquier 6100 UA—, tien d'emplegar 185.000 años o más en completar una órbita. Dende esta estrella una nana naranxa de tipu averáu K6—, les dos estrelles blanques veríense dixebraes una media de 0,5º, siendo'l so rellumu conxuntu equivalente al de dos luna llenes.^[6]

Referencies[editar | editar la fonte]

↑ Afirmao en: SIMBAD.
↑ ^2,0 ^2,1 «MSC - a catalogue of physical multiple stars» (n'inglés). Astronomy and Astrophysics (1): páxs. 75-84. xunetu 1997. doi:10.1051/AAS:1997181.
↑ Afirmao en: VizieR. Llingua de la obra o nome: inglés.
↑ CCDM J16309+0159AB -- Double or multiple star (SIMBAD)
↑ Marfik (The Fixed Stars)
↑ ^6,0 ^6,1 ^6,2 Marfik (Stars, Jim Kaler)

Coordenaes: 16^h 30^m 54.799^s, 1^° 59^′ 3.012^″

[8ba559d5760a03bedaaacc3c347bbfe4981560bf-1] Afirmao en: SIMBAD.

[df67fc1a1a46bd091d251579cf28c85b831176c8-2] 2,0 ^2,1 «MSC - a catalogue of physical multiple stars» (n'inglés). Astronomy and Astrophysics (1): páxs. 75-84. xunetu 1997. doi:10.1051/AAS:1997181.

[eedd662cbc889e46d17821464d4af8748a120b6c-3] Afirmao en: VizieR. Llingua de la obra o nome: inglés.

[SIMBAD-4] CCDM J16309+0159AB -- Double or multiple star (SIMBAD)

[5] Marfik (The Fixed Stars)

[JK-6] 6,0 ^6,1 ^6,2 Marfik (Stars, Jim Kaler)

[1]

[2]

[3]

[4]

[5]

[6]