Marc Bloch

De Uiquipedia
Saltar a: navegación, buscar

Marc Léopold Benjamin Bloch (6 de xunetu de 1886 - 16 de xunu de 1944), historiador francés especializáu na Francia medieval y fundador de la Escuela de los Annales.

Nacíu en Lyon, yera fíu d'un historiador de la antigüedá, el profesor Gustave Bloch. Estudió na Ecole Normale Supérieure y la Fundación Thiers en París, y n'otres ciudades como Berlín y Leipzig. Na I Guerra Mundial foi soldáu d'infantería nel exércitu francés y algamó la Lexón d'Honor.

Dempués de la guerra entamó a dar clases na universidá de Estrasburgu, y llueu algama'l puestu de profesor d'historia económica na Sorbona. Nel añu 1940 quedó excluíu del cargu públicu poles lleis racistes del gobiernu Vichy, al tratase d'un xudíu.

Nel añu 1929 Bloch crió con Lucien Febvre la perimportante publicación Annales d'histoire économique et socialem que más tarde daría-y nome a la corriente historiográfica conocía como Escuela de los Annales.

Morrió fusiláu por ser miembru de la resistencia francesa, tras ser torturáu varies hores pola Gestapo. Les sos últimes pallabres foron: Vive la France.

Anéudota[editar | editar la fonte]

Una de les rames en que la Universidá d'Estrasburgo foi distribuyía tres mayu del 68, la Universidá de Ciencies Humanes d'Estrasburgo, pasó a llamase en 1998 Universidá Marc Bloch, nel so honor.

Obres[editar | editar la fonte]

  • La Société féodale
  • Les Rois thaumaturges
  • L'Étrange Défaite
  • Apologie pour l'histoire ou métier d'historien

Enllaces esternos[editar | editar la fonte]