Mara Torres

Mara Torres
Vida
Nacimientu	Madrid, 25 de setiembre de 1974 (49 años)
Nacionalidá	España
Estudios
Estudios	Universidá Complutense de Madrid
Llingües falaes	castellanu
Oficiu	periodista, llocutora radiofónica, presentadora de televisión, escritora
Emplegadores	SER Elle (es) Televisión Española
Premios	ver Premios Ondas  (2023)
IMDb	nm2498512

Mara Torres (25 de setiembre de 1974, Madrid), periodista, escritora, presentadora de televisión y radio.

Radio

Llicenciada en periodismu pola facultá de Ciencies de la Información de la Universidá Complutense de Madrid, Mara Torres entamó'l so trabayu na radio en 1994 empobinando un programa universitariu na emisora Onda Mini. Nel añu 1995 entró na Cadena SER. Tres pasar pela redaición ya producción del programa d'Iñaki Gabilondo Hoy por hoy y pol programa Hola Madrid, les sos primeres xeres foren en programes de fin de selmana como Don Ratón y La Gran Evasión. De 1998 a 2001, dirixó ya presentó'l programa d'entrevistes A contraluz y dende esa fecha a lo cabero la temporada del 2006, el programa nocherniegu Hablar por hablar

Televisión

Enantes d'aportar na TVE, Mara Torres ya tuviere esperiencies na pequeña pantalla. Hai de solliñar la dómina en Localia Televisión presentando'l programa cultural Entrada libre, que recoyía los asocedimientos culturales del fin de selmana en Madrid.

N'ochobre de 2006 pasó a formar parte de los Servicios Informativos de Televisión Española pa presentar La 2 Noticias, el informativo más premiáu de la historia de la televisión, con más de 150 galardones dende qu'en 1994 comenzara la so emisión, xera que compaxinó con otros proyeutos dientro de RTVE. Tuvo al frente del programa hasta 2018.

Llibros asoleyaos

- Hablar por hablar. Historias de Madrugada, editáu por "Aguilar", nel que fai una esbilla de los alderiques ya anéudotes más interesantes y curioses de la dómina nel programa radiofónicu.

- Sin ti. Cuatro miradas desde la ausencia, tamién asoleyáu por "Aguilar" y dende'l que cunta cuatro hestories protagonizaes por personaxes conocíos que quedaren ensin un ser queríu, al empar que fai un homenax con gran ciñu, a la cotidianidá y a la vida compartida.

Premios

- En 2003 algamó'l premiu Antena de Oro qu'apurre la Federación de Asociaciones de Radio y Televisión. -En 2006, La 2 Noticias llogró el Premiu Juan Luis Marroquín na categoría de Medios de Comunicación. - En 2007 l'Asociación Profesional Española de Informadores de Prensa, Radio y Televisión (APEI)" concede-y el Micrófono de Plata na categoría de Revelación pola so xera nel informativu de La 2 Noticias de TVE. -N'ochobre de 2012, Mara Torres ye la finalista na 61ª edición del Premiu Planeta cola so novela "La vida imaginaria". -En xunu de 2013, Mara Torres gana el Premiu Lifestyle a les Lletres. -En marzu de 2014, Mara Torres llogra el Premiu E-award a la Personalidá del Añu en E-Show Barcelona 2014. En setiembre de 2015, Mara Torres ye galardonada na 6ª edición de los Premios Corresponsables, pola so implicación desinteresada n'asuntos de responsabilidá social. -En payares de 2016, Mara Torres llogra el I Premiu al Espardimientu Cultural de ManchaArte en Ciudá Real. -En xineru de 2023, el Festival Actual, premia a la presentadora y direutora de 'El Faro', Mara Torres, en reconocencia a la so trayectoria profesional, el so llabor comunicativu y de divulgación cultural nel programa de la Cadena SER.

Enllaces esternos

• Wikimedia Commons acueye conteníu multimedia sobre Mara Torres .
• Mara Torres na Internet Movie Database (n'inglés)

• Datos: Q11183244
• Multimedia: Mara Torres