Luis Menéndez Pidal

De Uiquipedia
Saltar a: navegación, buscar

Luis Menéndez Pidal (Payares, 1861 - Madrid, 1932), foi un pintor asturianu.

Yera fíu del maxistráu Juan Menéndez Fernández, natural de Payares, y de Ramona Pidal, nacída en Villaviciosa. Trátase d'una familia inclinada a les artes y lletres, hermanu de Juan y Ramón Menéndez Pidal y el so fíu Luis, foi un un importante arquitectu restaurador.

Estudió Derechu en Madrid, acabando en 1884, ingresando adarréu na Escuela de Belles Artes de San Salvador d'Uviéu y complementó colos estudios na Escuela Superior de Pintura de Madrid en 1885, onde foi discípulu d'Alejandro Ferrant y amplió los sos estudios n'Italia mediante beques, residiendo en Roma, estudiando con José Villegas Cordero y Francisco Pradilla y en Florencia, hasta la so vuelta en 1888.

Na Esposición de 1888 del Círculu de Belles Artes de Madrid espón "Éstasis de San Francisco" y na Esposición Nacional de Belles Artes de 1890 algama la medalla de segunda clase col llenzu "A buen xuez meyor testigu", comprando entós la reina rexente María Cristina de Habsburgo-Lorena dalguna de les sos obres. Nos años 1892 y 1899 algamó medalla de primera clase con "La Cuna vacía" y "Salus infirmorun" respectivamente. En 1901 consigue la cátedra d'Arte Decorativu na Escuela d'Artes y Oficios de Madrid y en 1907 la de Dibuxu y Ropaxe na Escuela Superior de Belles Artes de San Fernando. En 1906 foi elexíu miembru de la Real Academia de Bellas Artes de San Fernando.

En 1918 pintó al fresco la cúpula d'una Capiella de la ilesia de San Francisco el Grande en Madrid.

El so estilu yera mui personal, y taba consideráu como unu de los meyores coloristes d'España. Pintor d'historia, pintó tamién cuadros decorativos y costumistes, demostrando en toos ellos el so gran dominio de la composición y la técnica.