Lucky Luke

De Uiquipedia
Saltar a: navegación, buscar
Representación d'una situación del cómic

Lucky Luke ye un cow-boy de cómic creáu pol dibuxante y guionista belxicanu Morris en 1947. La serie conocerá la so dómina de mayor puxu cola collaboración de René Goscinny (guionista) ente 1957 et 1977. A la muerte d'esti guionista, Morris collaborará con otros autores como Vicq, Bob de Groot, Xavier Fauche, ...

Les primeres histories fueron espardíes poles revistes Spirou, y más tarde por Pilote anantes d'apaecer nel formatu d'álbumes.

Los personaxes[editar | editar la fonte]

En llingua asturiana, el so nome significa «Luc l'afortunáu». L'héroe ye non solamente afortunáu como vien a señalar el so nome, ye tamién un buen pistoleru y ye conocíu como « l'home que dispara más rápido que la so solombra», tal y como se representa nel dibuxu de la contraportada de los álbumes.

Lucky Luke atópase con tolos personaxe míticos del Far West, en primer llugar los cuatro Hermanos Dalton (que muerren al final del episodiu acordies cola historia), seguíos de les sos caricatures, los Primos Dalton, perpetuamente fugaos de la penitenciaria onde «vixila»'l perru más babayu del Oeste, Rantanplan. Vense igualmente, unes interpretaciones bien llibres del xuez Roy Bean, Jesse James, Billy the Kid, Calamity Jane y incluso Sarah Bernhardt. El so fiel caballu Jolly Jumper ye, al contrario que Rantanplan, particularmente intelixente: eso llévalu a xugar al axedrez o a los daos con Lucky Luke (y el caballu sabe bien facer trampes). Delles veces, la meta de Jolly Jumper ye viaxar, él tamién, una vez "a caballu", llegando a obligar a Lucky Luke tener que facerlo, por culpa d'una partida de daos perdida.

Una constante de los álbumes ye la partida del héroe hacia el sol poniente al fin del álbum. Durante la dómina de Goscinny, los dos autores anímense a poner nes histories dellos detalles imaxinarios a los que-yos ponen, maliciosamente, un asteriscu que reenvía a « (*) Auténtico »

Llista d’álbumes[editar | editar la fonte]

Por Morris solu[editar | editar la fonte]

Guionizaos por René Goscinny[editar | editar la fonte]

Guionistes diversos[editar | editar la fonte]

Álbumes Total/Esso[editar | editar la fonte]

  • La Bataille du riz (total)
  • Mac chez les indiens (esso)
  • Un Sheik au Far West (esso)

=> Llista incompleta

La so réplica final[editar | editar la fonte]

« I'm a poor lonesome cow-boy
And a long far way from home »
« Yo soi un probe cow-boy solitariu
Y siempre bien lloñe del so llar »

Musicada pol músicu de jazz Claude Bolling.

Cine y televisión[editar | editar la fonte]

La serie foi igualmente llevada al cine y la televisión. Pa non mancar la sensibilidá del públicu americanu, el personaxe tuvo que cambiar el so eternu pitu por una yerba, eso ya lo tenía fecho colos álbumes dibuxaos pa nun dar mal exemplu, a los llectores mozos, presentando un héroe fumador. Igualmente, dellos « clixés » fueron suprimidos: «llavanderos chinos» o « mexicanos durmiendo la siesta »

Dibuxos animaos de llargu metraxe : Daisy Town en 1971 (guión de Morris, de Goscinny y de Pierre Tchernia), la Ballade des Dalton en 1978 y les Dalton en cavale en 1982.

Serie de televisión : de Hanna Barbera en 1983 (26 episodios de 26 mn), por I.D.D.H. en 1991 (26 episodios de 26 mn) y por Xilam Productions en 2001, con un humor más bien anticuáu, pero bien eficaz (52 episodios de 26 minutos).

En fin, Lucky Luke foi'l mocín d'un película en 1991. L'actor Terence Hill foi l'encargáu de facer el papel protagonista, pero resultó un fracasu. Los humoristes Éric y Ramzy tomaron el relevu escribiendo un nuevu guión: Les Dalton. Realizáu por Philippe Haim, la película estrenóse nes fiestes de Navidá de 2004. Magar los dos humoristes tomaron como pretextu un homenxe a la obra de Morris, la película ta llarada de recursos alloriantes como por exemplu un sombreru máxicu, que ta fuera dafechu del espíritu de cómic orixinal. Una gran parte de los medios de comunicación, especialmente en Bélxica d'onde ye orixinariu'l dibuxante, criticaron al dúu d'humoristes acusándolos de marafundiar un patrimoniu de la cultura belxicana y francófona con fines únicamente lucrativos.

Obres y productos derivaos[editar | editar la fonte]

Cómic[editar | editar la fonte]

  • Morris, Rantanplan : el perru más manguán del Este y del Oeste, nacíu na serie Lucky Luke, tien tamién la so propia serie.
  • Jean Léturgie y Pearce, Kid Lucky, serie que narra les aventura de Lucky Luke, en versión moza.

Magazine[editar | editar la fonte]

  • Lucky Luke (magazine) (marzu de 1974 a febreru de 1975) : mensual nel qu'apaecen les aventures de Lucky Luke.

Canción[editar | editar la fonte]

La canción Les Dalton cantada por Joe Dassin paez facer más referencia a los de Morris que a los Dalton « históricos ».

Espectáculu[editar | editar la fonte]

Lucky Luke
Espectáculu de patinaxe artísticu de Philippe Candeloro.

Xuegos[editar | editar la fonte]

  • Lucky Luke Wanted (2002) : editáu por MB pa 2 a 6 xugadores con una duración media d'una hora. Cada xugadora encarna a un sherif y tien que prindar más bandidos que los otros pa ganar.

Xuegos de vídeo[editar | editar la fonte]

Lucky Luke, (Super Nintendo, PlayStation, PC 1998)
de Ocean Software
Lucky Luke (Game Boy, 1999)
de Infogrames
Lucky Luke 
Le Train Des Desperados (Game Boy, 2000)
de Infogrames
Lucky Luke 
La Fievre De L'Ouest (PlayStation, 2001)
de Kalisto
Lucky Luke Wanted (Game Boy Advance, 2001)
de Wizard Soft

Otres apariciones[editar | editar la fonte]

Un personaxe llevando una vestimenta que recuerda a la de só (aunque dibuxáu de manera más realista) apaez nel álbum Delta de la serie Jérémiah de Herman. Al final, otru personaxe fala d'él baxo’l nome de Luke le Veinard (n'asturianu: Luke'l Suertudu).

Enllaces esternos[editar | editar la fonte]