Lucien Febvre

De Uiquipedia
Saltar a: navegación, buscar

Lucien Febvre (Nancy, 22 de xunetu de 1878 - Saint-Amour, Jura, 26 de setiembre de 1956) Foi un de los más importantes hestoriadores franceses, conocíu pol papel que xugó nel establecimientu de la Escuela de los Annales.

Febvre foi influyíu ceo pola obra de Vidal de la Blache mientres la so estancia na École Normale Supérieure (1899-1902), y ganó'l so doctoráu n'historia en 1911 depués de defender la so tesis de Felipe II y el Francu Condáu. Poco depués alquirió una posición na Universidá de Dijon.

Febvre lluchó na Primera Guerra Mundial, y entamó les sos actividaes na Universidá d'Estrasburgo en 1919, cuando la provincia tornó a dominiu francés. Trabayaba ellí en 1929, cuando él y Marc Bloch fundaron la publicación Annales d'histoire economique et sociale, del que salió'l nome del so estilu distintivu de facer hestoria. En 1933 Febvre algamó cátedra nel Colexu de Francia.

Espublizó munchos títulos nos años 1930 y entamos de los 1940, pero la Segunda Guerra Mundial interrumpió'l so trabayu. Na guerra morrió'l so collaciu y colega Marc Bloch a manes de los alemanes, y Febvre convirtióse nel director de la Escuela de los Annales na post-guerra, siendo'l so mayor discípulu y continuador l'historiador Fernand Braudel.

Febvre morrió en 1956.