Lucía Etxebarria

Lucía Etxebarria

Lucía Etxebarria de Asteinza (Valencia, 7 d'avientu de 1966) ye una escritora española.

La so familia ye del País Vascu (Bermeo) , trabayó como traductora, camarera, etc y licencióse en filoloxía inglesa. Publicó el so primer llibru en 1996, la biografía de Courtney Love ("Aguanto Esto" 1996).

Gracies a Ana María Matute consiguió publicar la so primera novela, Beatriz y los cuerpos celestes.

Tien ganao abondos premios.

Premios

• 1998 Premio Nadal, Beatriz y los cuerpos celestes.
• 2001 Premio Primavera, De todo lo visible y lo invisible
• 2004 Premio Planeta, Un milagro en equilibrio

Plaxu

En 2001, la revista Interviú acusó a la escritora de plaxar al poeta lleonés Antonio Colinas, premiu Nacional de Lliteratura, nel so llibru Estación d'Infiernu (2001). El semanariu afirmó tamién que na so primera novela, la exitosa "Amor, curiosidá, Prozac y dubies" (1997), incluyía nes sos páxines frases dafechamente lliterales de "Nación Prozac", de la periodista y escritora estaunidense Elizabeth Wurtzel. L'autora española defendiose reivindicando el drechu a la intertestualidá y afirmó que taba siendo víctima d'un acosu mediáticu que-y taba resultando "tan traumáticu como una violación" . Etxebarria demandó por un presuntu delitu d'intromisión nel honor a la revista, pero Interviú foi absuelta el 4 de febreru de 2003 con una sentencia del xulgáu de primera instancia númberu 52 de Madrid, au se determinó que nun hubiere tal intromisión nel so honor, darréu que: "la revista dio información veraz (...), Etxebarria plaxó a don Antonio Colinas". L'autora apeló entós al Tribunal Constitucional.

Obra

Novela

• Amor, curiosidad, prozac y dudas (1997).
• Beatriz y los cuerpos celestes (1998).
• Nosotras que no somos como las demás (1999).
• De todo lo visible y lo invisible (2001).
• Una historia de amor como otra cualquiera (2003).
• Un milagro en equilibrio (2004).
• Cosmofobia (2007)

Poesía

• Estación de infierno (2001).
• Actos de amor y placer (2004).

Ensayu

• La historia de Kurt y Courtney: aguanta esto (1996).
• La Eva futura. La letra futura (2000).
• En brazos de la mujer fetiche (2002), mit Sonia Núñez Puente.
• Courtney y yo (2004).
• Ya no sufro por amor (2005).
• El club de las malas madres (2009), con Goyo Bustos

Scripts

• Sobreviviré (1999).
• Amor, curiosidad, prozac y dudas (2001).
• La mujer de mi vida (2001).
• I love you baby (2001).

Otros

• La vida por delante: voces desde y hacia Palestina (2005).

Links

• Xat (27/04/2004) a www.elmundo.es