Locus Coeruleus

De Uiquipedia
Saltar a: navegación, buscar

El locus coeruleus ye una rexón anatómica nel tallu cerebral involucrada na respuesta al pánicu y al estrés. El so nome en llatín significa el sitiu azul, que deriva de la pigmentación ocasionada pol conteníu de gránulos de melanina dientro d’esta estructura, motivu pol cual tamién ye conocíu como Nucleus Pigmentosus Ponti. Esta melanina fórmase pola polimerización de la noradrenalina.

Dalgundos autores afirmen que foi descritu inicialmente pol anatomista francés Félix Vicq d'Azyr nel sieglu XVIII; otros afirmen que foi descrita en 1809 pol neuroanatomista alemán Reil.

Anatomía[editar | editar la fonte]

Ye un nucleu asitiáu na rexón gris central na parte dorsal de la protuberancia, baxo’l suelu del IV ventrículu.

Función[editar | editar la fonte]

El locus coeruleus' ta involucráu en munchos de los efeutos simpáticos mientres l’estrés debíu al incrementu na produición de noradrenalina.

Estudios recientes identifiquen esti nucleu como un centru clave nos procesos de vixilia

Dalgunos estudios electrofisiolóxicos sustenten que’l locus coeruleus actívase por dellos estímulos estresantes y estímulos nociceptivos y tamién por estímulos fisiolóxicos como hipotensión, la hipoxia y estimulación visceral que incrementen la descarga de les neurones d’esta estructura. Cuando los modelos animales son expuestos a estrés crónicamente, produz una mayor actividá sobre les neurones receptores del LC.

El locus coeruleus tamién involucróse nel Trastornu d’Estrés Post Traumáticu (PTSD n’Inglés), y na fisiopatoloxía de la demencia a traviés de la pérdida del estímulu noradrenérxicu. Científicos del Colexiu de Medicina Albert Einstein de la Universidá Yeshiva (Estaos Xuníos) proponieron una radicalmente nueva teoría sobre l’autismu, que suxere que’l cerebru de les persones con esta enfermedá ye estructuralmente normal, anque desreguláu, lo que significa que los síntomes d’esta dolencia podríen ser reversibles yá que’l autismu ye un trastornu evolutivu causáu por un dañu na regulación del ‘locus coeruleus´. Nel so nuevu planteyamientu, esti equipu opina que nel autismu, el sistema LC-NA ta desreguláu pola interrelación de fautores ambientales, xenéticos y epixenéticos (sustancies químiques presentes tanto dientro como fuera del xenoma que regulen la expresión xenética). Creen que l’estrés xuega un papel central na desregulación del sistema LC-NA, especialmente nes etapes finales del desendolcu prenatal cuando’l cerebru fetal ye particularmente vulnerable.