Llingua de los Na’vi

De Uiquipedia
Saltar a: navegación, buscar

La llingua de los Na'vi ye una llingua artística creada por Paul Frommer pa los habitantes de Pandora, personaxes ficticios de la película "Avatar".

El direutor del film, James Cameron, pidió-y a Paul Frommer, llingüística de la Universidá de Carolina del Sur, un idioma pa los Na'vi, los azulaos habitantes del ficticiu planeta de Pandora. El profesor pasóse cuatro años trabayando nesi idioma a partir d'unes indicaciones del propiu Cameron, un conxuntu de pallabres, la mayoría nomes de personaxes, sobre les qu’entamar a trabayar. Asina ñació una nueva llingua, un idioma que falen unos seres imaxinarios nun mundu inventáu, pero que s'espresen nuna llingua que yá ye real.

Frommer sigue trabayando na so llingua, tán desendolcando un videoxuegu de la película y de xuru que van venir más películes sobre'l mundu creáu n'Avatar, cola que la llingua va siguir siendo necesaria. L'idioma de los Na'vi yá tien un garapiellu de siguidores que quieren convertise en neofalantes y da-y vida, amás d'un bon númberu de páxines web que ponen el máximu enfotu n'esparder la llingua de Pandora. La más importante es Wikipedia inglesa, que cuenta con una guía sobre l'idioma, estayes sobre'l vocabulariu, gramática y fonética.