Llingua (muérganu)

De Uiquipedia
Saltar a: navegación, buscar
Llingua humana

La llingua ye un muérganu móvil asitiau nel interior de la boca, impar, mediu y simétricu, que desempeña importantes funciones como la masticación, la deglución, el llinguaxe y el sentíu del gustu. Amás ye'l muérganu más fuerte del cuerpu humanu. La musculatura tien un orixe hipobranquial como la epiglotis y ye posterior a la formación de la envolvedura llingual. L'amígdala palatina tien el mesmu orixe tímicu que'l restu de los elementos del anillu de Waldeyer.

Conformación esterior[editar | editar la fonte]

La llingua tien forma de conu, presenta un cuerpu, una V llingual y una raíz. El cuerpu o porción bucal comprende los 2/3 anteriores, la raíz o porción farínxea, el 1/3 posterior, separaos ambos pola V llingual o istmu de les fauces. Les partes de la llingua son:

  • Cara superior: Tamién llamada dorsu de la llingua, que presenta la V llingual, abierta hacia alantre, formada poles papiles caliciformes. La superficie del dorsu de la llingua per delantre de la V llingual, ta en rellación col paladar, suel ser llisa y poseer unos riegos conxénitos y otros adquiríos que diferencien les llingües de los individuos. Un tipu de llingua repliegues glosoepiglóticos.
  • Cara inferior: Descansa nel suelu de la boca. Na llinia media alcuéntrase'l frenillu o filete llingual, de forma semillunar, mui resistente que llimita los movimientos de la llingua. De nun ser por esti frenillu, podríemos incluso morrer tragando la llingua, d'ellí la so gran importancia. A ambos llaos del frenillu de la llingua, na so parte más anterior, apaecen dos tubérculos perforaos nel so centru que son los orificios de los conductos de Wharton u orificios de salida de les glándules salivales submaxilares. Más posteriores alcuéntrense los orificios de salida de los conductos de Bartolini de les glándules sollinguales. Les venes ranines visualícense azulaes na cara inferior de la llingua, a ambos llaos del frenillu.
  • Bordes llinguales: Son llibres, redondeaos y en rellación co los arcos dentarios e importantes.
  • Base de la llingua: Ye gruesa y ancha y ta en rellación de adelante hacia atrás colos músculos milohioideos y genihioideos, col güesu hioides y co la epiglotis a la que se halla unida polos tres repliegues glosoepiglóticos.
  • Punta llingual: Tamién se llama vértiz llingual. Sirve pa degustar los alimentos.


Constitución de la llingua[editar | editar la fonte]

  • Cadarma de la llingua: Ye un armazón osteofibrosu formáu pol huesu hioides, la membrana hioglosa y el septum mediu que son dos llámines fibroses, sobre los que s'inxerten los músculos de la llingua.
  • Músculos de la llingua: La musculatura llingual permite a la llingua gran movilidá. Esta musculatura consiste en músculos extrínsecos, orixinaos fuera de la llingua, y músculos intrínsecos, orixinaos dientro d'ella. Toles fibres musculares de la llingua son esquelétiques. Los músculos de la llingua son 17 y son:
  1. Xenioglosu: Enxértase na apófisis geni de la mandíbula y diríxese en forma d'abanicu a la llingua.
  2. Estiloglosu: Enxértase na apófisis estiloides del güesu temporal.
  3. Hiploglosu: Enxértase nel güesu hioides.
  4. Palatoglosu: Tamién se llama músculu glosoestafilinu y constituye l'espesor del pilar anterior del velu del paladar.
  5. Faringoglosu.
  6. Amigdaloglosu.
  7. Músculu llingual superior: Ye un músculu impar y mediu.
  8. Músculu llingual inferior
  9. Músculu transversu de la llingua afítase na cara del tabique llingual, formáu por fasciculos tresversales que terminen nos bordes de la llingua, la so contracción redondea la llingua acercando los sos bordes y proyéctala hacia alantre. Ye un músculu intrínsecu.
  • Mucosa de la llingua: La mucosa que reviste'l dorsu del cuerpu ye una mucosa especializada. La mucosa que ta detrás de la V llingual constituye la amígdala llingual. La mucosa del dorsu llingual presenta cuatro tipos de papiles (tal y como s'observen na llingua d'arriba hacia abaxo):
    • Papiles caliciformes.
    • Papiles foliadas.
    • Papiles filiformes.
    • Papiles fungiformes.
  • Los corpúsculos gustatorios presenta cinco tipos de célules:
  1. Célules oscures
  2. Célules clares
  3. Célules intermedies
  4. Célules basales e internes
  5. Célules de sostén.

Irrigación ya inervación de la llingua[editar | editar la fonte]

La mucosa especializada llingual ye ricamente irrigada, y la llingua en xeneral ye ampliamente inervada. Los músculos de la llingua son 17: un impar, el llingual superior y ocho pares que son: el xenioglosu, llingual inferior, hioglosu, estiloglosu, palatoglosu, amigdaloglosu, faringoglosu y transversu. La inervación ye motora y sensitiva, la motora vien de los nervios hipoglosu (XII nerviu cranial) y glosofarínxeu (IX nerviu cranial) y la sensitiva ta dada polos nervios llingual (rama del mandibular, que a la vez ye rama del trigéminu o V nerviu cranial), glosofarínxeu (IX) y vagu (X o neumogástricu). La sensación del gustu de los dos tercios anteriores ye conducía po la rama del nerviu facial (VII) y la del terciu posterior, polos nervios glosofaríngeu (IX) y vagu (X). La sensibilidad llingual ta dada pola rama llingual de la división mandibular del trixéminu (V) y los nervios glosofarínxeu (IX) y llarínxeu internu (rama del laringeu superior, que a la so vez ye rama del vagu (X o neumogástricu)). La irrigación provien de l'arteria llingual (rama de l'arteria carótida esterna) y de la vena llingual (que drena na vena yugular interna por mediu de la vena tirolinguofaringofacial).

La xente suel mostrar la so llingua como signu de despreciu, desaprobación. Esti actu ye mui común en nenos y hasta cierta edá, y en determinaos círculos sociales ye la mayor ofensa imaxinable. Sin embargu, na edá adulta suel presentase nun tonu más cordial, dependiendo de si posteriormente se sonríe o non.