Llingües de la familia khoisan

De Uiquipedia
Saltar a: navegación, buscar

Col nome de familia khoisan conozse a un grupu de llingües falaes nel sur d'África, principalmente en Namibia y Botswana, pero tamién n'Angola, Tanzania y norte de la República Sudafricana. Munches d'elles tán anguaño desaniciaes y otres siguen ensin tener representación escrita.

Los falantes de les llingües de la familia khoisan pertenecen a les etnies san y khoi.

Les llingües de la familia khoisan caracterícense pola presencia d'unes consonantes específiques, conocíes como clics, que se producen chasquiando la llingua y representaes gráficamente con signos como ! o //

Les llingües d'esta familia suelen clasificase en tres grupos: khoisan del norte, khoisan del sur y khoisan central. A estos trés grupos convién amestar dos llingües falaes en Kenya y Tanzania, el hadza y el sandavés, separtaes del restu de la familia.