Lleva

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Exemplu de lleva

La lleva (francés Levier; italianu Leva) ye una máquina cenciella ensamada por una barra ríxida que puede xirar llibremente alrodiu d'un puntu de sofitu, o fulcru. Puede usase p'amplificar la fuercia mecánica que s'aplica a un oxetu, o p'aumentar la distancia recorría por un oxetu en rempuesta a l'aplicación d'una fuercia.


Historia[editar | editar la fonte]

El descubrimientu de la lleva y l'aplicación na vida diaria del ser humanu, tuvo de tener entamu na prehistoria. El manuscritu más antigu que se caltién, y que fai referencia a la lleva, ye parte de la Sinagoga o Collección Matemática de Pappus d'Alexandría, una obra d'ocho tomos que se cree foi escrita alrodiu del añu 340. Nesta obra apaez l'afamada frás d'Arquímedes: «Daime una lleva y un puntu de sofitu, y moveré'l mundu».

A Arquímedes presupónse-y la primer postulación matemática formal del principiu de la lleva.

Tipos de lleva[editar | editar la fonte]

Ye apropiao dixebrar a les lleves en tres tribes de xéneros, según seya la posición del fulcru y los puntos au s'apliquen les fuercies de Potencia y Resistencia. El principiu de la lleva ye válidu indistintamente del tipu, pero l'efeutu y forma d'usu de cada tipu de lleva, camuda enforma. En física, la fórmula de la lleva ye:

P·dp=R·dr.

La R ye la fuercia que llevantamos (Resistencia) y la P la fuercia qu'exercemos pa llevantalo (Potencia). dp y dr son les distancies qu'hai del puntu de sofitu a la P y R.


Lleva de primer xéneru[editar | editar la fonte]

Na lleva de primer xéneru, el puntu de sofitu alcuéntrase nún puntu intermediu xustu ente la Fuercia P y la Resistencia R.


Lleva de primer tipu


Exemplos d'esti tipu de lleva son el balancín, o les tixeres, les tiñaces y los alicates. Arriendes, nel cuerpu humanu alcuéntrense otros exemplos de primer xéneru como'l Tríceps - coldu - Antebrazu.


Lleva segundu xéneru[editar | editar la fonte]

Na lleva de segundu xéneru, la Resistencia R s'alcuentra ente'l Puntu de sofitu y la Fuercia P.

Lleva de segundu tipu

Exemplos d'esti tipu de lleva son el carretillu, y el cascanueces.

Lleva de tercer xéneru[editar | editar la fonte]

Na lleva de tercer xéneru, la Fuercia P alcuéntrase ente'l puntu de sofitu y la Resistencia R. El tercer tipu ye notable, porque la fuercia aplicao tien de ser mayor que la fuercia que fadría falta pa mover l'oxetu ensin lleva. Esti tipu de lleves, úsense cuando lo que se requier ye aumentar la distancia que recuerre l'oxetu.

Lleva de tercer tipu

Exemplos d'esti tipu de lleva, son el brazu humanu y el quitagrapes.