Lionel Robbins

De Uiquipedia
Saltar a: navegación, buscar
Lionel Robbins

Lionel Charles Robbins, Baron Robbins (1898 - 1984) foi un economista británicu que propuso una de les primeres definiciones contemporánees d'economía: La economía ye la ciencia qu'analiza'l comportamientu humanu como la rellación ente unos fines daos y medios escasos que tienen usos alternativos.

Definió la economía como oikos (casa) y nomos (regles) y aportó un nuevu significáu al conceutu d'economía, si bien namás lo detalló un poco: "La economía ye la ciencia de la elección, la ciencia qu'estudia cómo los recursos son emplegaos pol home pa satisfacer les sos necesidaes, puesto que viven en sociedad".

Robbins foi mui influyiu pola Escuela austríaca, siendo un de los sos primeros adherentes nel mundu de fala inglesa. Robbins llegó (1929) a ocupar la cátedra na Escuela d'Economía de Londres onde unu de los sos primeros actos foi nomar profesor a Friedrich A. Hayek, a partir de lo cual una nueva xeneración d'"austriacos" entamó a facer sintir la so influyencia nel mundu.

Depués Robbins moderó'l so sofitu total por esa escuela y tresformose nun proponente críticu. Asina, por exemplu, a pesar que Robbins continuó en xeneral col so sofitu pol llibre mercáu al mesmu tiempu foi partidariu del financiamientu fiscal de sistemes d'educación universitaria y organizaciones artístiques (museos, etc).