Liga Superibérica

De Uiquipedia
Saltar a: navegación, buscar

La Liga Superibérica (Lliga Superibérica) ye una lliga profesional de rugbi qu'opera na Península Ibérica. Básase nun sistema de franquicies tomando comu modelu'l deporte profesionalizao americanu, la lliga consta de diez equipos que ceden los sos drechos a la empresa Steelman Sport, que sedrá la encargada de xestionar la comercialización de la Lliga. Ye una competición que coesistirá cola División d'Honor.

Nacencia de la Liga Superibérica[editar | editar la fonte]

La competición tará pesllada a 6 equipos abriéndose la posibilidá d'ampliaciones futures, incluyendo la posibilidá de que se xunan franquicies de Portugal o Xibraltar, la competición entamaráse a mediaos d'abril (pa nun coincidir cola División d'Honor), finando a entamos de xunetu. Xugaránse partíos los vienres pela nueche, en formatu de lliga y con una final four nuna sé que camudará ca temporada.

El mayor esponente del proyeuto ye Michael Robinson (exfutbolista y gran aficionáu al rugbi), y la esplotación comercial sedrá responsabilidá de Guillermo Moraleda, con esperiencia nel Atlético de Madrid y Estudiantes.

Sistema de competición[editar | editar la fonte]

El sistema de competición ye una lliga regular a dos vueltes (partíos d'ida y vuelta) de 6 equipos con una Final-Four (al estilu de la Euroliga). Esti sistema da un total de 10 xornáes de lliga regular y semifinales y final nuna mesma xornada sumando en total 34 partidos.

Sistema de puntuación[editar | editar la fonte]

  • Ca victoria suma 4 puntos.
  • Ca empate suma 2 puntos.
  • Cuatro ensayos nun partíu sumen 1 puntu de bonus.
  • Perder por una diferencia de siete puntos o inferior suma 1 puntu de bonus.

Ascensos y descensos[editar | editar la fonte]

Nun esisten ascensos o descensos de categoría al ser una lliga de franquicies pesllada.

Les franquicies[editar | editar la fonte]

Les franquicies deberánse axustar a unos requisitos d'almisión, formándose una Xunta Xeneral por parte de clubes, xugadores y entrenadores. Les plantilles sedrán de 35 xugadores, siendo 10 profesionales con un sueldu mínimu preestablecíu pola organización, debiéndose aportar a la Lliga la copia de los contratos. Per otru llau, estableceráse un llímite salarial d'un millón d'euros brutos y los estadios deberán tener coyida comu mínimu pa 3.000 espeutadores. El ganador obtendrá un premiu en metálicu.

Franquicies participantes 2009[editar | editar la fonte]

CarteEspagne.svg
Equipu País
Basque Korsarioak España San Sebastián (Guipúzcoa)
Catalunya Blaus Almogàvers España Sant Boi (Barcelona)
Gatos de Madrid España Madrid
La Vila Mariners España Villajoyosa (Alicante)
Sevilla FC Andalucía Rugby España Sevilla
Vacceos Cavaliers España Valladolid

Estes franquicies sedrán les participantes na Liga Superibérica 2009. Sés de los equipos que firmaron l'11 de xunu de 2008 l'acta matriz de la Lliga y qu'entamaron nesta lliga'l 24 d'abril de 2009 (dómina del entamu de la primera edición de la lliga)

Patrocinadores y TV[editar | editar la fonte]

Los clubes darán un depósitu de 60.000 euros como garantía del pagu de los desplazamientos, seguros sanitarios para xugadores, seguros civiles y gastos d'arbitraxe, amás de facilitar la retresmisión d'un mínimu de dos partíos comu llocal por temporada a ca club. Éstos podrán financiase un 50% con cargu al repartu de beneficios.

La lliga tien conseguío cuatru patrocinadores oficiales pa toles franquicies participantes. Estos patrocinadores tienen drechu preferencial nel allugamientu de los cartelos publicitarios, distribuyíos nos estadios d'igual forma que na Lliga de Campeones de fútbol. D'otra miente, esisten proveedores oficiales (desplazamientos, equipaciones, etc.) y delles empreses collaboradores.

La sociedá xestora de la Lliga Superibérica tien un alcuerdu firmáu con Canal+ pa retresmitir un partíu ca selmana, los vienres pela tarde-nueche, más un programa selmanal nomáu "Hemisferio Rugby" que s'emite tolos xueves, presentáu por Michael Robinson y el periodista d'AS, especializáu en rugbi, Fermín de la Calle.

Ver tamién[editar | editar la fonte]

Enllaces esternos[editar | editar la fonte]