Lex Barker

De Uiquipedia
Saltar a: navegación, buscar
Lex Barker con Karen Kondazian. 1973

Alexander Crichlow Barker, Jr., conocíu como Lex Barker (Rye, Nueva York, 8 de mayu de 1919 - Nueva York, 11 de mayu de 1973), foi un actor estaunidense que conoció la so mayor fama al sustituir a Johnny Weissmüller nel papel de Tarzán na década de los cincuenta del sieglu XX. Depués algamó especial popularidá n'Alemaña por varies películes rodaes nesi país, adaptando noveles de Karl May. N'España tamién foi popular como'l primer esposu de Carmen Cervera.

Carrera[editar | editar la fonte]

Nació en Rye (pequeña población del estáu de Nueva York), nel somantu d'una familia acomodada, que residía nuna amplia mansión con criaos. So padre yera broker (trabayaba na bolsa de valores), unu de los sos antepasados fundara Rhode Island y otru foi gobernador de las Barbados.

En 1949 debutó na saga de Tarzán con Tarzán y la fuente mágica del director Lee Sholem, con Brenda Joyce interpretando el papel de Jane. Esta película foi una continuación de les qu'interpretó Johnny Weissmuller años anantes. Brenda Joyce participara como Jane en cuatro d'elles. Pola so gran estatura y buena forma física, Barker paeció ser l'actor afayadizu pal papel, y la so sobriedá espresiva paeció igualmente afayadiza pa un personaxe de diálogos curtios.

Al añu siguiente Lex Barker volvió a interpretar a Tarzán, en Tarzán y la esclava, del mesmu director de l'anterior, pero na que Vanessa Brown sustituyó a Brenda Joyce como Jane, pues esta última dexó l'ambiente de cine por problemes personales. En 1951 Barker interpretó por tercera vez al personaxe creáu por Edgar Rice Burroughs, en La perla de Tarzán, esta vez col gran artesanu Byron Haskin como director y con Virginia Huston como nueva Jane, y en 1952 rodó La furia salvaje de Tarzán de Cy Endfield, con Dorothy Hart como la nueva Jane. En 1953, Barker rodó la so quinta y última película de Tarzán, titulada Tarzán y la mujer diabólica, dirixida por Kurt Neumann y cola actriz Joyce Mackenzie como Jane.

Enllaces esternos[editar | editar la fonte]