Leopoldo Calvo-Sotelo Bustelo

De Uiquipedia
Saltar a: navegación, buscar
Leopoldo Calvo-Sotelo Bustelo
Leopoldo Calvo-Sotelo Bustelo

26 de febreru de 1981 – 2 d'avientu de 1982
Monarca Xuan Carlos I
Predecesor Adolfo Suárez González
Socesor Felipe González Márquez
Vicepresidentes primeros Rodolfo Martín Villa (1981-1982)
Juan Antonio García Díez (1982)
Vicepresidentes segundos Juan Antonio García Díez (1981-1982)

9 de setiembre de 1980 – 25 de febreru de 1981
Presidente Adolfo Suárez González
Predecesor Fernando Abril Martorell
Socesor Juan Antonio García Díez

9 de setiembre de 1980 – 25 de febreru de 1981
Presidente Adolfo Suárez González
Predecesor Fernando Abril Martorell
Socesor José Luis Leal Maldonado

25 de febreru de 1978 – 9 de setiembre de 1980
Presidente Adolfo Suárez González
Predecesor Dengún
Socesor Eduardo Punset

6 de xunetu de 1976 – abril de 1977
Presidente Adolfo Suárez González
Predecesor Antonio Valdés González-Roldán
Socesor Luis Ortiz González

13 d'avientu de 1975 – 6 de xunetu de 1976
Presidente Carlos Arias Navarro
Predecesor José Luis Cerón Ayuso
Socesor José Lladó Fernández-Urrutia

15 de xunetu de 1977 – 31 de agostu de 1982

28 de xunetu de 1983 – 23 d'abril de 1986

Datos personales
Nacimientu 14 d'abril de 1926
Bandera de España Madrid, España
Fallecimientu 3 de mayu de 2008
(82 años)
Pozuelo de Alarcón (Madrid), Flag of Spain.svg España
Partíu FET y de les JONS
Unión de Centro Democrático
Padres Leopoldo Calvo Sotelo (padre)
Mercedes Bustelo García (madre)[1]
Cónxugue Pilar Ibáñez-Martín Mellado
Fíos 8 [2]
Profesión Inxenieru de Caminos, Canales y Puertos

Leopoldo Calvo-Sotelo y Bustelo (Madrid, 14 d'abril de 1926 - Pozuelo de Alarcón, Madrid, el 3 de mayu de 2008) foi un políticu español, presidente del gobiernu ente febreru de 1981 y avientu de 1982. Otorgáronse-y los títulos de primer marqués de la Ría de Ribadeo, Grande d'España, Defensor de Saurí y el de Caballeru de la Orden de Carlos III.

Biografía[editar | editar la fonte]

Nació en Madrid en 1926. Terminó los sos estudios de inxenieru de Caminos en 1951 col númberu unu de la so promoción, doctorándose pola Universidad Politécnica de Madrid en 1960. Políglota, llegó a dominar l'inglés, el francés, l'italianu, l'alemán y el portugués; tamién tocaba'l pianu. Yera tíu de Mercedes Cabrera Calvo-Sotelo, ministra d'Educación na VIII Lexislatura d'España y sobrín carnal de José Calvo-Sotelo, el que fuera ministru de facienda demientres la Dictadura (Directoriu Civil) de Miguel Primo de Rivera, "protomártir de la Guerra Civil" y fundador del Bloque Nacional mientres la Segunda República Española.


Primeros cargos[editar | editar la fonte]

Más tarde pasó a ocupar diversos cargos directivos como la presidencia de RENFE en 1967. Tres años dempués foi nomáu conseyeru delegáu de Unión Explosivos Riotinto, S.A. Posteriormente elexíu procurador en Cortes como representante de los empresarios d'industries químiques, puestu qu'ocupó por cuatro años, hasta que en 1975 foi designáu ministru de Comerciu nel primer Gobiernu de la Monarquía, que presidía Arias Navarro y del que formaben parte como ministros Adolfo Suárez o Manuel Fraga ente otros.

Al ser nomáu Suárez presidente, Calvo-Sotelo foi nomáu ministru d'Obres Públiques, en xunetu de 1976.

Presidencia del Gobiernu[editar | editar la fonte]

Dimitió del cargu pa presentase a les primeres eleiciones democrátiques (1977) y concentrase na organización del nuevu partíu que ganaría: la Unión de Centro Democrático (UCD), del presidente Suárez. La so carrera política continuó n'ascensu: portavoz de UCD nel Congresu (1977-78), ministru pa les rellaciones cola Comunidá Económica Europea (1978-79), vicepresidente del Gobiernu pa Asuntos Económicos (1980-81).

Na votación a la so candidatura como Presidente del Gobiernu (23 de febreru de 1981), irrumpieron nel Parllamentu varios guardies civiles armaos que, baxu'l mandu del teniente coronel Antonio Tejero, pretendíen dar un golpe d'Estáu militar, intentu que güei conocemos como 23-F. El gobiernu de Calvo-Sotelo nacía pues nunes feches en que les manifestaciones populares escontra d'una involución política, el paru y la debilidá de la coalición política permanente protagonizaben la actividad pública española.

El so mandatu amás d'iniciase con un golpe d'estáu finó col desmantelamientu de la conspiración golpista pal 27 d'ochobre de 1982, que tuvo meyor preparada que la del 23-F, pero que cola collaboración de los principales medios de comunicación y pa nun crear alarma social, foi minimizada.

A lo llargo del so mandatu la decisión más relevante foi l'adhesión d'España a la Organización del Tratado del Atlántico Norte (OTAN), que foi mui disputada pola oposición dirixida pol Partido Socialista Obrero Español (anque más tarde y una vez nel poder, el Gobiernu socialista convocó -y ganó- un referéndum a favor de la permanencia na OTAN en 1986). Amás como Ministru de Rellaciones cola CEE, llogró restablecer definitivamente un vínculu estable pa la negociación d'entrada y como Presidente cimentose l'entamu definitivu d'adhesión al Mercau Común, que culminaría col ingresu na UE demientres el mandatu de Felipe González.

Foi tamién, unos meses, presidente de la UCD.

Nel so gobiernu firmóse un alcuerdu pol emplegu coles centrales sindicales y los empresarios, aprobóse la llei del divorciu, España ingresó na OTAN y cerrose'l mapa autonómicu. El so gobiernu recurrió la sentencia de la Xusticia Militar, pa que fuera la Xusticia Civil quien tuviera la última pallabra nel tema del 23 F.

Los alcuentros de Calvo-Sotelo col entós llider de la oposición, Felipe González, foron constantes, nuna rellación gobiernu-oposición que nunca dempués esistió, pese a la durez del PSOE contra'l so gobiernu.

Demientres esti bieniu produxéronse escándalos como'l del aceite de colza, y nun foi un periodu precisamente fácil pal país.

En 1982 ocupa'l segundu puestu na llista electoral del so partíu por Madrid, qu'encabezaba Landelino Lavilla, produzse la debacle ellectoral de UCD, pasando de ser el partíu del gobiernu a tener una docena de diputaos. Calvo-Sotelo namás consigue ser diputáu pola dimisión de Lavilla.

Tres d'esto, ye elexíu miembru de la Asamblea Parlamentaria del Conseyu d'Europa en 1983 y eurodiputáu nel Parllamentu Européu en 1986, integráu nel Partíu Popular Europeo. Dos fiyos suyos foron depués secretarios d'Estau colos gobiernos de José María Aznar.

El 25 de xunu de 2002 el Rei Xuan Carlos I concedio-y el títulu de Marqués de la Ría de Ribadeo con Grandeza de España.

Últimos años[editar | editar la fonte]

Dexa escritos varios llibros: Pláticas de familia (2003), Papeles de un cesante (1999) y Memoria viva de la transición (1990); yera consideráu un escritor cultu y amenu, provistu d'un estilu sutilmente irónicu.

El 3 de mayu de 2008 falleció a los 82 años d'edá nel so domiciliu de la llocalidá de Pozuelo de Alarcón (Comunidá de Madrid) por una parada cardiorrespiratoria. L'ex-presidente nun sufría nenguna enfermedá. Pocos meses antes sufrió una cayída de la que nun llegó a recuperase en totalidá y que-y provocó un progresivu empeoramientu del so estau de salú.

Na so capiella ardiente, instalada nel Salón de los Pasos Perdidos del Palaciu de les Cortes y presidida por los Reis d'España, el presidente del gobiernu y pola so familia, foi impuesta a títulu póstumu'l collar de la Real y Distinguida Orden Española de Carlos III. Los sos restos mortales descansen nel cementeriu de Ribadeo dende el 5 de mayu de 2008. [3][4][5][6]

Referencies[editar | editar la fonte]


Predecesor:
José Luis Cerón Ayuso
Escudo de España (1977-1981).svg
Ministru de Comerciu d'España

1975-1976
Socesor:
José Lladó Fernández-Urrutia
Predecesor:
Antonio Valdés González-Roldán
Escudo de España (1977-1981).svg
Ministru d'Obres Públiques d'España

1976-1977
Socesor:
Luis Ortiz González
Predecesor:
Dengún
Escudo de España (1977-1981).svg
Ministru pa les Rellaciones coles Comunidaes Europees

1978-1980
Socesor:
Eduardo Punset
Predecesor:
Fernando Abril Martorell
Escudo de España (1977-1981).svg
Vicepresidente Segundu del Gobiernou d'España

1980-1981
Socesor:
Juan Antonio García Díez
Predecesor:
Fernando Abril Martorell
Escudo de España (1977-1981).svg
Ministru d'Economía d'España

1980-1981
Socesor:
José Luis Leal Maldonado
Predecesor:
Adolfo Suárez González
Escudo de España (mazonado).svg
Presidente del Gobiernu d'España

1981-1982
Socesor:
Felipe González Márquez
Predecesor:
Agustín Rodríguez Sahagún
Unión de Centro Democrático (logo).png
Presidente d'UCD

1981-1982
Socesor:
Landelino Lavilla