La Sexta
La Sexta (nome comercial laSexta) ye una canal de televisión privada española, d'ámbitu nacional, qu'emite n'analóxico y en dixital xestionáu por Gestora de Inversiones Audiovisuales La Sexta, S.A..
Dende'l 1 de xunetu de 2007, la Sexta dexó d'emitir pela plataforma Dixital+. Al considerar que los 600.000 € mensuales que pagaba a la plataforma de Sogecable pa poder emitir resultaben ser una mala inversión. La Sexta vio con malos güeyos que Dixital+ ficiera la so publicidá basándose en tener "todo el fútbol" ensin mencionar n'ello a la recién creada cadena. Yá que los partíos de los sábados pertenecen n'exclusiva a la Sexta. La retresmisión de la primera xornada de Liga de Fútbol de la temporada 2007/08 corrió ciertu peligru de que la Sexta nun pudiera emitir el so partíu de los sábados. Sogecable denunció l'impagu d'una deuda qu'asciende a 58 millones d'euros por parte de Mediapro, polo que consideró conveniente nun facilitar la señal del partíu y de los resúmenes de la xornada.
La empresa tien dos sedes, una na Ciudad de la Imagen en Pozuelo de Alarcón (Madrid), onde se graben los informativos, programes y loxística diversa, y la otra nel Centre Imagina n'Esplugues de Llobregat (Barcelona), onde se xestiona la so continuidá y emisión.
La programación ye xeneralista, anque con especial presencia de programes d'humor y entretenimientu, series estadounidenses y retresmisiones deportives.[1]
[editar] Hestoria
La llicencia foi otorgada a La Sexta el 25 de payares del 2005. La cadena emtamó les sos emisiones regulares el 27 de marzu, anunciando el mesmu día que la cadena tien los derechos d'emisión del mundial de fútbol del 2006.
El 15 de mayu de 2007 Mediapro (Accionista de La Sexta) adquirió los derechos la Fórmula 1 por cinco años, que s'emitirá en la Sexta dende 2009 hasta 2013. Asina llogró facese cola exclusiva n'España de la retresmisión de Fórmula 1 a partir de 2009, hai que recordar qu'en Cataluña TV3 continuará televisando esti deporte como hasta agora.
La cadena diose a conocer comprando derechos d'emisión de deportes como'l yá mentáu mundial de fútbol y posteriormente, el Mundobasket y la Liga (que comparte con Canal 9, TV3 e IB3 y que compartirá a partir de la temporada 2007-2008). Gracies a estes inversiones La Sexta llogró llegar al 3% d'audiencia en menos tiempu del previstu inicialmente polos sos mandatarios (2008).
Tamién mercó los derechos de la Copa de la Liga inglesa y los del Mundial de Clubes de Xapón 2006, nel que participó el F.C. Barcelona.
La cadena emitió la final de 2007 de la Copa de la ULEB y fízose colos derechos de tresmisión de los EuroBaskets d'España 2007, Polonia 2009 y Lituania 2011, y del Mundobasket de Turquía 2010. (Derechos comercializaos por Mediapro.)
No que cinca a series de produción estranxera, esta cadena fizo importantes desembolsos pa mercar series d'ésitu n'EE.UU como Prison Break.
[editar] Accionariáu
Accionariáu de Gestora de Inversiones Audiovisuales La Sexta, S.A a la fecha de güey:
- 51% GAMP (Grupu Audiovisual de Medios de Producción) participada por:
- 69,95% Grupu Árbol-Globomedia (Emilio Aragón) y Mediapro.
- 9,8% Bilbao Bizkaia Kutxa (caxa d'aforros vasca)
- 8,25% El Terrat (Andreu Buenafuente)
- 12% Bainet (Karlos Arguiñano)
- 40% Televisa (Grupu mediáticu méxicanu)
- 9% inversores menores, ente los que s'incluye Gala Capital (propiedá de George Soros).
