La Borbolla

La Borbolla ye una parroquia del conceyu asturianu de Llanes. Ta allugada nel estremu suroriental del conceyu, y llenda: al norte coles parroquies llanisques de Carranzo y Tresgrandas, al sur colos conceyos de Peñamellera Alta y Peñamellera Baxa, al este col conceyu de Ribadedeva y al oeste cola parroquia de Vidiago. La so estensión ye de 10,53 km² de terrenu de la vertiente norte de la sierra del Cuera, y hai nella un únicu núcleu de población. La parroquia, que yera filial de la de Carranzo, dixebrose d'ella a primeros del sieglu XX.

El pueblu de La Borbolla tien 167 habitantes (INE, 2009), que son conocíos como jarotos, y que se reparten per varios barrios: La Braña Vieja, El Ganciosu, El Prau, El Colláu, El Molinu la Pisa... Ente los edificios más destacaos d'esti pueblu, ganador del concursu al más guapu d'Asturies na edición de 1963, rescampla la ilesia, consagrada a San Sebastián y "construida en 1735 á expensas del capitán D. Juan González del Aedo, residente en Cartagena de Indias y natural de aquel pueblo" Tamién gracies a él llevantose escuela nesta población, qu'axunta a lo guapu del llugar ú s'asitia la esistencia d'una plaza perguapa y de delles casones llevantaes con perres de les Amériques.

Nel pueblu se cellebra, el primer sábadu d'agostu, la fiesta de La Sacramental, una de les más antigües del conceyu.

Enllaces esternos

• Páxina personal sobro La Borbolla