Krzysztof Kieślowski

De Uiquipedia
Saltar a: navegación, buscar
Krzysztof Kieslowski.

Soníu Krzysztof Kieślowski (27 de xunu de 1941 - 13 de marzu de 1996) foi un director de cine polacu. Nació en Varsovia y estudió na Escuela de Cine y Teatru de Łódź, Polonia.

Vida y obra[editar | editar la fonte]

Nació en Varsovia y pela so infancia vivió en delles ciudaes polaques. A los 16 años apuntóse a un cursu de bomberos, pero dexólu a los tres meses. Foi entós cuando ingresó nel colexu pa técnicos de teatru en Varsovia, que taba dirixíu por un collaciu suyu. Decidió facese director de teatru.

Nesi periodu nun trata na so obra sobre la ficción, que-y paez daqué burgués; polo contrariu trabaya principalmente'l documental, na forma del curtiumetraxe, mediumetraxe y incluso con documentales de televisión.

Bien integráu na sociedá polaca, emplega el so llabor n'amosar les incongruencies internes del sistema: el protagonista, baxo la forma l'individuu, poderosu na so determinación, y la burocracia inoperante como frenu a la fuercia el protagonista.

Son les diez películes del Decálogu les que-y apurren celebridá mundial en 1988 y faen que dende Europa occidental s'abran les puertes pal direutor.

Darréu Kieslowski realiza la so obra más famosa, la triloxía Azul, Blanco y Rojo, n'honor a la bandera francesa.

De salú fráxil, muerre prematuramente el 13 de marzu de 1996, a la edá de 55 años en Varsovia, dexando ensin concluir una nueva triloxía: Heaven.

Curtiumetraxes[editar | editar la fonte]

  • La Ventaniella (1966) (Urząd)
  • Le Tramway (1966) (Tramwaj)
  • El Conciertu les meyores voces (1967) (Koncert życzeń)
  • La Fautoría(1970) (Z miasta Łodzi)
  • Yera un soldáu(1970) (Byłem żołnierzem)
  • Los trabayaores ( 1971) (Nic o nas bez nas)
  • Enantes el rali (1971) (Przed rajdem)
  • La Fábrica (1971) (Fabryka)
  • Refrán (1972) (Refren)
  • Principios de seguridá nuna mina de cobre (1972) (Podstawy BHP w kopalni miedzi)
  • Ente Wroclaw y Zielona Gora (1972) (Między Wrocławiem a Zieloną Górą)
  • L'albañil (1973) (Murarz)
  • Rais X (1974) (Prześwietlenie)
  • Curriculum Vitae (1975) (Życiorys)
  • L'Hospital (1976) (Szpital)
  • Nun sé (1977) (Nie wiem)
  • El puntu de vista del porteru de nueche (1978) (Z punktu widzenia nocnego portiera)
  • Siete muyeres (1978) (Siedem kobiet w różnym wieku)
  • Tiestes falantes (1980) (Gadające głowy)
  • L'andén (1980) (Dworzec)

Llargumetraxes[editar | editar la fonte]

  • Personal(1975) (Personel)
  • La Cicatriz (1976) (Blizna)
  • L' Amateur (1979) (Amator)
  • Ensin fin (1985) (Bez końca)
  • L'Azar (1987) (Przypadek)
  • El Decálogu -El Decálogo- (1988)
  • La Doble vida de Verónica (La doble vida de Verónica) (1990)
  • Tres colores:Azul -Azul- (1993)
  • Tres colores:Blancu -Blanco- (1994)
  • Tres colores:Roxu -Rojo-(1994)

Premios[editar | editar la fonte]

  • Festival de Cracovia (1974, 1975, 1977, 1979)
  • Festival de Mannheim (1975)
  • Festival de Gdansk (1975, 1976, 1979, 1988)
  • Festival de Moscú (1979)
  • Festival de Cannes (1988, 1991)
  • Festival de Venecia (1989, 1993)
  • Festival de Berlín (1980, 1994)
  • Festival de San Sebastian (1988)
  • Festival de Chicago (1980)
  • Festival de Lyon (1979)
  • Festival de Sao Paulo (1988).

Enllaces esternos[editar | editar la fonte]