Kim Il-sung

Kim Il-sung
1. Presidente de Corea del Norte
Comandante Supremu del Exércitu Popular de Corea
Secretariu xeneral del Partíu del Trabayu de Corea
1. Líder supremo de Corea del Norte (es)
1. Premier de Corea del Norte
member of the Supreme People's Assembly (en)
Vida
Nacimientu	Mangyongdae District (en) , 15 d'abril de 1912
Nacionalidá	Corea del Norte ; Ocupación xaponesa de Corea ; Xunión Soviética
Residencia	Palacio del Sol de Kumsusan (es)
Grupu étnicu	coreanos (es)
Muerte	Pyong Yang, 8 de xunetu de 1994 (82 años)
Sepultura	Palacio del Sol de Kumsusan (es)
Causa de la muerte	infartu de miocardiu
Familia
Padre	Kim Hyŏng-jik
Madre	Kang Pan-sok
Casáu con	Kim Song-ae ; Kim Jong-suk (1941 – m. 1949)
Fíos/es	Kim Jong-il; Kim Man-il; Kim Kyong-hui; Kim Pyong-il; Kim Yong-il (en) ; Kim Kyong-chin
Hermanos/es	Kim Yong-ju (es) ; Kim Chol-ju
Pueblu	Dinastía Kim (es)
Estudios
Estudios	Jilin Yuwen High School (en) ; Mangyongdae Revolutionary School (en)
Llingües falaes	coreanu; chinu; rusu
Alumnu de	Yue Shang (es)
Oficiu	políticu, escritor, partisanu, memorialista
Premios	ver Order of Freedom and Independence, 1st class ; Grand Cross of the Royal Order of Cambodia ; Order of the Yugoslavian Great Star ; Estrella de la República de Indonesia ; Gran Cruz de la Orde Nacional de Malí ; Orden de Süjbaatar ; National Order of Madagascar ; Orde de la Bandera Nacional ; Order of the Tribute to the Republic ; Order of Mono ; Gran Cruz de la Orde Polonia Restituta ; Orde d'Augusto César Sandino ; Orde de la Estrella Yugoslava ; Orde de Karl Marx ; Orde de la Bandera Roxa (29 agostu 1945) ; Order of Freedom and Independence, 1st class (1953) ; Héroe de la República Popular Democrática de Corea (28 xunetu 1953) ; Héroe del Trabajo (7 setiembre 1958) ; Medaya del Centenariu de Lenin (1970) ; Estrella de la República Socialista de Rumanía (1971) ; Orde de Lenin (14 abril 1972) ; Héroe de la República Popular Democrática de Corea (15 abril 1972) ; Orde del Lleón Blanco (1973) ; Héroe de la República Popular Democrática de Corea (abril 1982) ; Order of Eduardo Mondlane, 1st class (14 xunetu 1984) ; Orde Nacional José Martí (1986) ; Orde Sablera Girón (1987) ; Orden de la Victoria del Socialismo (1987) ; Orde de Klement Gottwald (29 xineru 1987) ;
Influyencies	Yósif Stalin, Kim Hyŏng-jik (es) , Shin Chaeho (es) y Yue Shang (es)
Movimientu	Movimiento de Independencia de Corea (es)
Instrumentu musical	órganu
Serviciu militar
Cuerpu militar	Exércitu Popular de Corea; Exércitu bermeyu; Ejército Unido Antijaponés del Nordeste (es)
Graduación	Taewŏnsu (en) ; capitán
Lluchó en	segunda guerra sino-xaponesa; Guerra Soviético-Xaponesa; Guerra de Corea; Guerra fría
Creencies
Relixón	irreligión (es) ; ateísmu
Partíu políticu	Partíu del Trabayu de Corea (dende 10 ochobre 1945); Partíu Comunista de China (dende 1932)
IMDb	nm0453487

Kim Il-sung (treslliteráu tamién como Kim Il Sung; hangul 김일성, hanja 金日成; pronunciación coreana /ki.mil.s͈ɔŋ/) foi'l xefe d'Estáu de la República Democrática Popular de Corea (Corea del Norte), dende la fundación del Estáu norcoreanu en 1948 hasta la so muerte en 1994. Pente esos años, desendolcó un ferreu sistema políticu de corte comunista, aunque adautao a la idiosincrasia norcoreana y a la so propia visión personal, afitada na nomada ideoloxía Juche. Tres de la so muerte, foi nomáu "presidente eternu" de Corea del Norte. Los cabudaños de nacimientu y muerte de so, son fiestes nacionales nel país.

Biografía[editar | editar la fonte]

Il-sung nació como Kim Sŏng-ju el 15 d'abril de 1912, nuna familia campesina y probe. Yera'l mayor de tres hermanos. Al mesmu tiempu, la historiografía norcoreana atribúi-y una ascendencia de revolucionarios y heróicos lluchadores pola llibertá y la xunidá de Corea.

Kim Ung U, buelu del nomáu "Gran Líder", encabezara a mediaos del sieglu XIX a los rebeldes de Pyongyang escontra un barcu de pirates que pretendíen saquear la ciudá. Kim Hyŏng-jik, so padre, formó en 1917 l'Asociación Nacional Coreana, una de les mayores fuercies d'oposición a los invasores xaponeses.

Il-sung medró pente l'arguyu patriu de la Asociación Nacional Coreana de so pa y los aires de revolución de les vecines Rusia y China. Dende mozu, ocupó cargos de responsabilidá n'estremaes formaciones rebeldes coreanes, y la so personalidá y populismu afitáronlu como líder revolucionariu.

Con esi pedigrí atribuío polos haxógrafos norcoreanos, Kim Il-sung tendría'l destín d'alloriar a les mases.

Lideró les fuercies coreanes sofitaes pola Xunión Soviética pente la Segunda Guerra Mundial escontra Xapón.

Dempués de la dixebra de la península de Corea (la metá norte embaxo l'auspiciu soviéticu y la metá sur controlada pola coalición aliada), Kim Il-sung foi designáu como presidente de la República Democrática Popular de Corea en 1948.

Consolidación nel gobiernu[editar | editar la fonte]

El 25 de xunu de 1950, Kim Il-sung entama un ataque escontra la República de Corea (Corea del Sur), col enfotu de "lliberala" del control de los Estaos Xuníos y unificar la península coreana. La guerra desenvolvióse hasta l'armisticiu de 1953, afitando unes llendes provisionales ente les dos "corees" a lo llargo del Paralelu 38.

L'armisticiu foi presentáu a la población norcoreana como una "victoria" sobre l'invasor americanu, y marca l'aniciu del desendolcu de la cadarma estatal norcoreana, basada nel sofitu económicu y teunolóxicu soviéticu y de China y políticu del comunismu internacional.

Desarrollu económicu[editar | editar la fonte]

Pente les décades de 1960 y 1970, Kim Il-sung supo rodearse de fieles conseyeros al tiempu que separtaba a los menos afayaízos pal so proyeutu con dos reformes nel aparatu gubernamental en 1956 y 1967. Trataba asina d'afitar el so proyeutu de "paraísu de los trabayadores".

La economía conoz nestos años un gran espoxigue con importantes inversiones na industria pesada y enerxética, na minería y na teunoloxía, siempres al serviciu d'un exércitu descomunal. El desarrollu tien el so reflexu nel urbanismu, y Pyongyang reaparez como una gran urbe de carácter racionalista, inspirada nes grandes ciudaes de la Siberia soviética. Grandes edificios, mausoleos y monumentos, cumplen al tiempu el so papel de motor económicu y propagandísticu. Ye la época na que Kim Il-sung algama les máximes cotes de popularidá poles sos bones rellaciones col mundu "comunista". Los sos logros son asoleyaos enforma pola maquinaria de propaganda prosoviética n'Europa y América. Kim Il-sung desendolca entós el cultu a la personalidá, ye la época en que finxen el términu "Gran líder" (en coreanu: 위대한 수령) pa referise al presidente. Ye tamién el tiempu en que pasa a participar na vida pública el so fiu Kim Jong-il, el "Queríu líder", dempués presidente de l'Asamblea Popular Suprema norcoreana.

Etapa cabera[editar | editar la fonte]

A mediaos de la década de 1970, les rellaciones cola Xunión Soviética y China entamen a esmolecer. Kim Il-sung asoleya la so visión del comunismu cola ideoloxía Juche y promueve una nueva constitución pa la República, qu'entra en vigor en 1972.

Al tiempu que medra la estructura propagandística interna nel país, el "Gran Líder" entama a allanar el camín pala so socesión. Kim Jong-il gana protagonismu mientres que so pa derrocha una imaxe d'home afable, de xefe paternal de la revolución coreana.

Na política esterior, Kim Il-sung caltuvo la tensión cola metá sur de Corea. Ye pente los años 80 cuando entama'l desendolcu d'un ensame d'instalaciones nucleares. Éstes, tres de la caída del bloque soviéticu nel entamu la década de 1990, van ser ximelgaes pol gobiernu de Kim Il-sung como amenaza disuasoria que desemboca na primer crisis nuclear d'importancia na península.

En plena crisis nuclear, Kim Il-sung muerre d'un infartu. Yera'l 8 de xunetu de 1994 y el so fíu, Kim Jong-il, asume la xestión de la crisis no que foi l'entamu d'una etapa crítica pa l'estáu norcoreanu.

Kim Il-sung foi sepultáu nel mausoléu Kumsusan, na redolada de Pyongyang.

Vida personal[editar | editar la fonte]

Kim Il-sung casóse dos vegaes. La so primer muyer foi Kim Jong-suk, que morrió en 1949, madre de Kim Jong-il y Shura Kim o Kim Pyong Il, que morrió n'accidente.

Kim Il-sung casóse por segunda vegada con Kim Song-ae en 1962, cola que tuviere cuatro fíos. Además, delles fontes atribúin a Kim Il-sung un fíu bastardu, Kim Hyŏn-nam, nacíu en 1972, y Jang Hyun, adoptáu pola hermana de Kim Jong-il, Kyung-Hee.

= Referencies[editar | editar la fonte]

↑ ^1,0 ^1,1 Afirmao en: Internet Movie Database. Identificador IMDb: nm0453487. Data de consulta: 13 ochobre 2015. Llingua de la obra o nome: inglés.
↑ URL de la referencia: http://www.sweetandtastytv.com/blog/2013/04/16/a-detailed-look-at-north-koreas-ruling-family.
↑ URL de la referencia: https://nkleadershipwatch.wordpress.com/kim-family/kim-kyong-chin/.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ ^5,0 ^5,1 Pamyat Naroda ID: 6682842.
↑ URL de la referencia: https://gazettes.africa/akn/mz/officialGazette/government-gazette-series-i-supplement-no-2/1984-07-14/28/por@1984-07-14. Data de consulta: 21 mayu 2023.
↑ URL de la referencia: http://www.prazskyhradarchiv.cz/archivKPR/upload/rkg.pdf.

Enllaces esternos =[editar | editar la fonte]

Biografía oficial (n'inglés)

[23c42e1938eedd68e7f81087ab9591214c7af715-1] 1,0 ^1,1 Afirmao en: Internet Movie Database. Identificador IMDb: nm0453487. Data de consulta: 13 ochobre 2015. Llingua de la obra o nome: inglés.

[052ad47d04f992c1e43f15cd36de5910f7bab9ff-2] URL de la referencia: http://www.sweetandtastytv.com/blog/2013/04/16/a-detailed-look-at-north-koreas-ruling-family.

[e8b82e062f604147cb4e07fa303096bd5e1736c0-3] URL de la referencia: https://nkleadershipwatch.wordpress.com/kim-family/kim-kyong-chin/.

[fdd7e64cbc1ac95b1c62ed4336d123a3dd8c3a2b-4] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[3530778fbb8f60779193a751fa06ef7c0c80173e-5] 5,0 ^5,1 Pamyat Naroda ID: 6682842.

[121459949d2bfebcfff9fcab927d63ef88d328e7-6] URL de la referencia: https://gazettes.africa/akn/mz/officialGazette/government-gazette-series-i-supplement-no-2/1984-07-14/28/por@1984-07-14. Data de consulta: 21 mayu 2023.

[d26c61b1e688b7b03fdc269a6f86fa5269c64449-7] URL de la referencia: http://www.prazskyhradarchiv.cz/archivKPR/upload/rkg.pdf.

[1]

[2]

[3]

[4]

[5]

[6]

[7]