Keith Andes
Keith Andes | |
|---|---|
 | |
| Vida | |
| Nacimientu |
Ocean City (es)  , 12 de xunetu de 1920[1] |
| Nacionalidá |
 Estaos Xuníos |
| Llingua materna | inglés |
| Muerte | Santa Clarita, 11 de payares de 2005[1] (85 años) |
| Causa de la muerte |
asfixia (es) |
| Familia | |
| Fíos/es | Mark Andes |
| Estudios | |
| Estudios |
Universidá d'Oxford Universidad de las Artes (es) Universidá de Temple Upper Darby High School (en) |
| Llingües falaes | inglés |
| Oficiu | músicu, cantante d'ópera, actor de teatru, actor de cine, actor de televisión, actor de voz, actor |
| Premios |
ver
|
| Miembru de |
Sigma Pi (en) |
| Mena de voz | Barítonu |
| Instrumentu musical | voz |
| Serviciu militar | |
| Lluchó en | Segunda Guerra Mundial |
| IMDb | nm0027882 |
 | |
Keith Andes (12 de xunetu de 1920, Ocean City (es) – 11 de payares de 2005, Santa Clarita) foi un actor teatral, radiofónicu, cinematográficu y televisivu d'Estaos Xuníos.
Primeros años[editar | editar la fonte]
El so verdaderu nome yera John Charles Andes, nació en Ocean City, Nueva Jersey, y a los 12 años d'edá yá actuaba na radio.[3]
Nos sos años d'estudios na Upper Darby High School, Andes trabayó na radio cantando y actuando. Tamién estudió na Universidá d'Oxford y graduóse na Universidá de Temple, en Filadelfia, en 1943 con un títulu n'educación. Amás, estudió voz nel Conservatoriu de Música de Filadelfia.[4] Empecipió la so carrera como actor teatral nel circuitu de Broadway mientres sirvía nes Fuercies Aérees del Exércitu de los Estaos Xuníos mientres la Segunda Guerra Mundial.
Carrera[editar | editar la fonte]
La so primer actuación cinematográfica foi un pequeñu papel nel filme Winged Victory (1944), dempués de lo que fizo otra pequeña interpretación en The Farmer's Daughter, cinta protagonizada por Loretta Young, y gracies a la cual ella ganó l'Óscar a la meyor actriz. En 1947 Keith Andes recibió'l premiu Theater World pol so debú en The Chocolate Soldier, protagonizando dempués Kiss Me, Kate, obra na que tomó'l papel qu'interpretaba Alfred Drake.
En 1952 actuó como'l noviu de Marilyn Monroe y hermanu de Barbara Stanwyck nel filme de cultu Clash by Night, dirixíu por Fritz Lang y coescrito por Clifford Odets. Tamién actuó con Robert Newton en Blackbeard the Pirate, y en 1958 foi'l Superintendente de Policía de Louisiana Francis Grevemberg na película Damn Citizen. Nesta última producción trabayaba xunto a Margaret Hayes y Gene Evans.
Pa la televisión, intervieno nun show policial de curtia trayeutoria, This Man Dawson (1959-1960). Amás, foi un detective aficionáu na sitcom de 1963 de Desilu Porductions pa la CBS Glynis, protagonizada por Glynis Johns. Al añu siguiente foi artista convidáu de la sitcom de Mickey Rooney Mickey, emitida pola ABC.
Andes actuó en 1960 xunto a Lucille Ball nel musical representáu nel circuitu de Broadway Wildcat, y más palantre na sitcom que l'actriz interpretó nos años sesenta, The Lucy Show. Tamién trabayó en xira interpretando a Miguel de Cervantes/Don Quixote na obra "Man of La Mancha." Nos últimos años de la so carrera interpretativa intervieno en series televisives como Cannon, Death Valley Days, Daniel Boone, I Spy, The Andy Griffith Show, The Rifleman, Perry Mason (episodiu "The Case of the Skeleton's Closet"), Star Trek: The Original Series (episodiu "La mazana"), y Buck Rogers in the 25th Century (episodiu "Buck's Duel to the Death").
Dientro de la so carrera interpretativa, Andes foi tamién actor de voz, pudiéndose-y oyer na producción Birdman y el tríu galaxa (1967). Nos sos últimos años actuó como actor cinematográficu nes cintes ...And Justice for All y Tora! Tora! Tora!.
Vida personal[editar | editar la fonte]
Andes foi atopáu muertu na so casa de Santa Clarina (California). Sufría un cáncer de vexiga y otres dolencies que lu llevaron a suicidase por afuega, según un informe del Departamentu Forense del Condáu de Los Angeles. Tenía 85 años d'edá.
Sobreviviéron-y el so dos fíos, Mark Andes (músicu de bandes como Spirit, Jo Jo Gunne y Heart) y Matt Andes (otru músicu, tamién intérprete, mientres un curtiu tiempu, de Spirit).
Seleición de la so filmografía[editar | editar la fonte]
- The Farmer's Daughter (1947)
- Clash by Night (1952)
- Blackbeard the Pirate (1952)
- Split Second (1953)
- A Life at Stake (1954)
- Away All Boats (1956)
- Back from Eternity (1956)
- The Girl Most Likely (1957)
- Model for Murder (1959)
- Surrender Hell (1959)
- Tora! Tora! Tora! (1970)
Referencies[editar | editar la fonte]
- ↑ 1,0 1,1 Afirmao en: SNAC. Identificador SNAC Ark: w67j5h7r. Apaez como: Keith Andes. Data de consulta: 9 ochobre 2017. Llingua de la obra o nome: inglés.
- ↑ URL de la referencia: http://www.theatreworldawards.org/past-recipients.html.
- ↑ via Associated Press. "Andes, leading man to Marilyn Monroe, dies at 85", USA Today, 27 de payares de 2005. Consultáu'l 29 d'ochobre de 2008.
- ↑ Jones, Kenneth. "Broadway Baritone Keith Andes, of Wildcat, Dead at 85", Playbill, 28 de payares de 2005. Consultáu'l 24 de payares de 2007.
Enllaces esternos[editar | editar la fonte]
Wikimedia Commons tien conteníu multimedia tocante a Keith Andes.- Keith Andes na Internet Movie Database (n'inglés)
- Keith Andes n'AllMovie (n'inglés)
- «Keith Andes». en Find a Grave. (n'inglés)
- Keith Andes en Memory Alpha, una wiki de Star Trek.
