Karl Ludwig Hencke

De Uiquipedia
Saltar a: navegación, buscar

Karl Ludwig Hencke (8 d'abril de 1793 - 21 de setiembre de 1866) foi un astrónomu alemán. Delles vegaes confundíu con Johann Franz Encke, otru astrónomu alemán.

Hencke nació en Driesen, Brandeburgu (agora Drezdenko, Polonia). foi voluntariu mientres les "Guerres de Lliberación", Befreiungskriege, pa Prusia pero resultó mancáu en Lützen. Darréu desempeñóse como oficial de puestu en distintos llugares y, finalmente, dedicóse a ser alministrador de corréu. Dempués del so retiru, vivió na so ciudá natal onde sirvió como xuráu de la corte de la ciudá.[1]

Afayó dos asteroides dende'l so observatoriu priváu en 9, Kietz (agora 43, Kietzerstraßy), Driesen. El primeru, Astraea , ye notable por ser el primer asteroide descubiertu dempués de llargu tiempu desque s'afayó'l postreru de los orixinales cuatro asteroides, Vesta, que foi afayáu en 1807. Otros astrónomos abandonaron les sos busques de más asteroides, convencíos de que yeren namás cuatro. De toes formes, Hencke empezó buscando en 1830, y quince años dempués tuvo éxitu.

Morrió en Marienwerder (agora Kwidzyn), daquella, parte de Prusia.

L'asteroide 2005 Hencke ye nomáu asina nel so honor.

Asteroides descubiertos[editar | editar la fonte]

Nome Data de descubrición
5 Astraea 8 d'avientu de 1845
6 Hebe 1 de xunetu de 1847

Referencies[editar | editar la fonte]

  1. Hencke, Karl Ludwig - from Nordisk familjebok by Projekt Runeberg