José Manuel Collado

Amestar enllaces
De Wikipedia
José Manuel Collado
Vida
Nacimientu La Borbolla, 1949 (74/75 años)
Nacionalidá España
Estudios
Llingües falaes castellanu
Cambiar los datos en Wikidata

José Manuel Collado Vidal (1949, La Borbolla) ye un cantante asturianu de tonada.

José Manuel foi unu de los fundadores de l'Asociación d'Intérpretes de Canción Asturiana (AICA). Como la mayor parte de los cantadores de tonada tomó parte en bien de concursos, algamando primeros premios nel de La Nueva (1996) y Concursu Cuenca del Caudal (1998 y 1999).

Entamó a cantar tonada de forma individual a partir del añu 1984, depués de pertenecer al Coru San Andrés dende l'añu 1977[1].

Foi elixíu nos años 2003, 2004 y 2005 ente les meyores voces nel Memorial Silvino Argüelles. Nel añu 2009 foi gallardoniáu col Premiu de la Crítica RPA como Meyor Voz del Añu.

En 2012 algamó'l primer premiu del Concursu de Tonada de Ponga[2]. Nel añu 2014 fízose col títulu na ventena edición del Concursu de Tonada de La Nueva[3]

Grabaciones[editar | editar la fonte]

Collado participó na grabación de, polo menos, trés discos: Cuatro ases de la toná (2003), xunto con Jorge Tuya, Ismael Tomás Montes y El Che de Cabaños; Teitos (2009) y Agua del río (2011).

Referencies[editar | editar la fonte]

  1. ↑ Aurelio Argel: Tonada por tres. La Nueva Quintana, 27 d'avientu de 2011
  2. ↑ [1] El Comercio, consultao'l 21.05.13
  3. ↑ La Nueva corona a sus nuevos reyes de la tonada. El Comercio, consultao'l 29.04.2014
Sacáu de «https://ast.wikipedia.org/w/index.php?title=José_Manuel_Collado&oldid=3751421»