José Ángel Hevia

Hevia, 2003

José Ángel Hevia Velasco, conocíu artísticamente como Hevia (Villaviciosa, Asturies, 1967), ye un gaiteru asturianu y académicu d'honor de l'ALLA, famosu por diseñar xunta Alberto Arias y Miguel Dopico de la «gaita MIDI» y sobre too polos sos álbumes nos que fusiona la gaita con tou tipu de soníos. Nel so currículum figuren dellos primeros puestos algamaos en dellos concursos, tanto nacionales (Concursu ya muestra folklor Ciudá d'Uviéu) como internacionales (troféu MacAllan, Lorient, 1992). Algamó l'ésitu col so discu Tierra de nadie en 1997, del que vendió más d'un millón de copies n'España. A esi álbum siguiéronlu Al otru llau nel 2000 y Étnico ma non troppo en 2003. Foi direutor de la Banda Gaites Villaviciosa dende 1986 hasta 2001 tambien foi direutor de les siguientes bandes de gaites: Mieres del Camin, Samartín del Rei Aureliu, Ribeseya y Candás.

Tamién xestiona la fábrica d'instrumentos musicales ARHPA, con sede en Guadarrama.

Discografía

• Hevia (1991)
• Tierra de nadie (1998)
• Al otro lado/Al otru llau (2000)
• Étnico ma non troppo (2003)
• Obsessión (2007)

Singles

• El Saltón
• El Garrotín
• Busindre Reel
• El Garrotín (remix)
• Sobrepena
• Baños de Budapest (Nueu tema, inclúi remix)
• Tanzila

• Tirador

Enllaces esternos

• Páxina oficial d'Hevia
• [http://www.arhpa.es/ Páxina del taller d'instrumentos musicales Hevia, Parrado y Aragón
• Páxina italiana