Jorge Suárez Carbajal

De Uiquipedia
Saltar a: navegación, buscar

Jorge Suárez Carbajal, Uviéu, 13 de marzu de 1986, ye un gaiteru asturianu, campeón d'Asturies nel 2004 y representante del Principáu nel Troféu MacCrimmon (enantes Troféu Macallan) (Festival Intercélticu de Lorient) cuatro años seguíos.

Nel añu 2011 algama' l Premiu AMAS como Meyor Gaiteru, pola so trayectoria, gallardón que concede l' Anuariu de la Música n' Asturies. Asina mesmo nel 2012 el Centru Asturianu de Madrid atorga-y l' Urogallo de Bronce na estaya de Gaita, pola so carrera como gaiteru.

Trayectoria[editar | editar la fonte]

Iniciu[editar | editar la fonte]

Ñaz n'Uviéu en 1986 y dende febreru de 1987 vive n' El Berrón (Siero). Escomencipió a tocar la gaita en 1994, nes escueles de Suares (Bimenes), pueblu de so ma, col mayestru Eugenio Otero, actual direutor de la Banda Gaites Conceyu Siero y ex-direutor de la Banda Gaites Llariegu, dos vegaes Campeona d'Asturies. Llega a ensayar cola Banda Gaites Llariegu, anque nun realiza nenguna actuación con ella. N'abril de 1996 empieza a recibir clases de Chus Solís, y en 1997 entra na Banda Gaites Noreña, cola que debuta'l 26 de xunetu nel Festival Folclórico de Molinos de Duero (Soria). Cola Banda percuerre gran parte de la xeografía asturiana y otres zones d'España - Benidorm, Soria, Cantabria, etc. - y Portugal (Monção, Côja o Lisboa).

En 1999 preséntase al concursu infantil "Veo-Veo", presentáu por Teresa Rabal. Pasa les pruebes de casting y llega a les semifinales, nel Teatru Campoamor d' Uviéu, onde toca la Muñeira de Remis, anque nun llogra pasar a la final rexonal. Nesta dómina entama a tocar pa grupos folclóricos como'l G.F. de Colunga o'l G.F. Brisas de Aguilar (Muros de Nalón). Al añu siguiente dexa de dir a clases con Chus Solís y causa baxa como miembru de la Banda Gaites de Noreña. Preséntase de nuevu al "Veo-Veo" col "Busindre Reel" de Hevia, llogrando'l primer premiu ex aequo na final rexonal xuntu col grupu de ximnasia rítmica Olimpia, de Xixón.

Bandes de Gaites y grupos de baille[editar | editar la fonte]

En marzu de 2000 apenza a recibir clases de Xuacu Amieva. Poco enantes entrara a formar parte de la Banda Gaites Rei Aurelio, que dirixía y entá dirixe Xuan Rodríguez, gaiteru de Llan de Cubel. Llegó tamién a tocar cola Banda Gaites Naranco, dirixida por Xuacu, na Feria de L'Ascensión, n'Uviéu, nel 2003. Dexa les clases en mayu de 2003 por mor de los estudios de Bachilleratu.

Asina mesmo ye Inxenieru Téunicu Topógrafu pela Universidá d'Uviéu.

Xuntu col so hermanu Carlos son pareya habitual de los grupos folklóricos:

-Asociación Folklórica "Onís", del conceyu d' Onís.
-Grupo Folklórico Xagardúa, de Colunga.
-Asociación Folclórica San Felix, de Valdesoto (Siero).
-Asociación d'Etnografía y Folklore L'Esperteyu, de L'Entregu. -Brisas de Aguilar, de Muros de Nalón.

Otros grupos nel so haber foron:

-Peña'l Vientu, de Casu
-Aires de Asturias, de Xixón
-El Arándano, de Rengos (Cangas del Narcea)
-El Horreo, de Barcia (Valdés)

Anguañu ye miembru de la Banda Gaites Conceyu Siero, dirixía por Eugenio Otero Vega.

Concursos de gaita[editar | editar la fonte]

En los que a concursos de gaita se refier Jorge aníciase nellos nel I Concursu de Gaiteros Mozos de Bimenes celebráu en Xenra, Bimenes, el 1 de xunetu de 2000, na Fiesta de la Oficialidá. Jorge llogra'l segundu puestu tocando la "Xota'l Centru" y el "Floréu de Remis".

Al añu siguiente (2001) remata sestu na final del Memorial Remis Ovalle. Dos años dempués llogra clasificase' n cuarta posición n' esti Memorial, lo que-y da drechu a participar nel Troféu Macallan de Gaita nel Festival Intercélticu de Lorient, finando nel tercer puestu. Al añu siguiente torna' l Remis Ovalle, competición na que s'alza col primer puestu'l 18 de xunu de 2004. Esi añu' n Lorient (yá col nome de Troféu MacCrimmon) remata cuartu lo mesmo que nel 2005, puestu que iguala nel Remis Ovalle d' esi añu ya' l siguiente.

En 2006 clasifícase en segunda posición nel Troféu MacCrimmon del Festival Intercélticu de Lorient, namái superáu pol asturianu Rubén Alba y siendo'l primer clasificáu nel repertoriu bretón (repertoriu obligáu dende' l 2003). Tolos participantes del concursu (cuatro asturianos, cuatro gallegos y n'ocasiones un gaiteru bretón) tienen d'interpretar tres repertorios: asturianu, gallegu y bretón.

Jorge preséntase tamién a concursos pa pareyes de gaita y tambor col so hermanu Carlos al tambor.

Como gaiteru solista
Concursu Añu Puestu
I Concursu de Gaiteros Mozos de Bimenes 2000 2u
I Concursu de Xóvenes Gaiteros d' El Carbayu 2000 3u
XV Memorial Remis Ovalle (Uviéu) 2001 6u
I Concursu de Gaita de Lantero (Samartín del Rei Aurelio) 2001 4u
I Concursu Gaiteru Lliberdón 2001 1u
II Concursu de Xóvenes Gaiteros d' El Carbayu 2001 3u
II Concursu Gaiteru Lliberdón 2002 1u
III Concursu de Xóvenes Gaiteros d' El Carbayu 2002 1u
XVII Memorial Remis Ovalle (Uviéu) 2003 4u
IV Concursu de Gaiteros Mozos de Bimenes 2003 3u
XVIII Troféu Macallan de Gaita (Lorient) 2003 3u
II Concursu de Gaita de La Nueva (Llangréu) 2004 2u
II Concursu de Gaita de Mieres 2004 2u
XII Concursu y Muestra de Folclor "Ciudá d' Uviéu" 2004 4u
XVIII Memorial Remis Ovalle (Uviéu) 2004 1u
XIX Troféu MacCrimmon de Gaita (Lorient) 2004 4u
I Concursu de Gaita de Llaviana 2004 5u
XIII Concursu y Muestra de Folclor "Ciudá d' Uviéu" 2005 5u
XIX Memorial Remis Ovalle (Uviéu) 2005 4u
XX Troféu MacCrimmon de Gaita (Lorient) 2005 4u
XX Memorial Remis Ovalle (Uviéu) 2006 4u
XXI Troféu MacCrimmon de Gaita (Lorient) 2006 2u
XXI Memorial Remis Ovalle (Uviéu) 2007 5u
XXII Memorial Remis Ovalle (Uviéu) 2008 5u
VII Concurso de Gaita de Xixón 2009 3u
VIII Concurso de Gaita de Xixón 2010 1u
VIII Concursu de Gaita de La Nueva (Llangréu) 2011 2u
XI Concursu de Gaita "Premiu Gaiteru Lliberdón" 2011 1u
IX Concurso de Gaita de Xixón 2011 1u
XII Concursu de Gaita "Premiu Gaiteru Lliberdón" 2012 1u
X Concurso de Gaita de Xixón 2012 1u
XXI Concursu y Muestra de Folclor "Ciudá d' Uviéu" 2013 4u


En pareya de gaita y tambor (xuntu con Carlos Suárez Carbajal de tamborileru)
Concursu Añu Puestu
I Troféu Hermanos Cueli (Vidiago) 2007 4u
VI Concurso de Gaita de Xixón 2008 3u
II Troféu Hermanos Cueli (Vidiago) 2008 1u
VII Concurso de Gaita de Xixón 2009 3u
III Troféu Hermanos Cueli (Vidiago) 2009 1u
VIII Concurso de Gaita de Xixón 2010 1u
IX Concurso de Gaita de Xixón 2011 2u
X Concurso de Gaita de Xixón 2012 1u


Actuaciones[editar | editar la fonte]

Faciendo clic nesti enllaz puen güeyase tolos llugares nos qu'actuó'l gaiteru asturianu.

Enllaces[editar | editar la fonte]

Otros premios[editar | editar la fonte]

Añu Premiu Categoría Resultau
2000 Veo-Veo Oviedo - Ganador ex aequo
2011 Premios AMAS 2011 Gaita Ganador
2012 Urogallo de Bronce Gaita Ganador

Véase tamién[editar | editar la fonte]

Enllaces esternos[editar | editar la fonte]

  • Vídeu de Jorge nel Troféu MacCrimmon de Gaita, Lorient 2006.
  • "El Saltón", vídeu de Jorge y Carlos Suárez Carbajal nel III Troféu Hermanos Cueli de Vidiago.
  • "Baille'l Centru", Jorge y Carlos Suárez Carbajal n' El Acebo.
  • "Muñeira de Barganaz", Jorge na 4ª eliminatoria del XIX Concursu y Muestra de Folclor "Ciudá d' Uviéu".
  • "Xiringüelu de Remis", Jorge na 4ª eliminatoria del XIX Concursu y Muestra de Folclor "Ciudá d' Uviéu".
  • Myspace de Jorge Suárez Carbajal.
  • Blog de Jorge Suárez Carbajal.
  • Nuevo Blog de Jorge Suárez Carbajal.