Joan Woodbury
Joan Woodbury | |
|---|---|
 | |
| Vida | |
| Nacimientu | Los Angeles, 17 d'avientu de 1915[1] |
| Nacionalidá |
 Estaos Xuníos |
| Llingua materna | inglés |
| Muerte |
Desert Hot Springs (es)  , 22 de febreru de 1989[1] (73 años) |
| Causa de la muerte | enfermedá |
| Familia | |
| Casada con | Henry Wilcoxon (1938 – 1971) |
| Estudios | |
| Llingües falaes | inglés |
| Oficiu | actriz, actriz de cine |
| IMDb | nm0940199 |
 | |
Joan Woodbury (17 d'avientu de 1915, Los Angeles – 22 de febreru de 1989, Desert Hot Springs (es) ) foi una actriz cinematográfica d'Estaos Xuníos, con una carrera que s'estendió dende la década de 1930 a la de 1960.
Primeros años[editar | editar la fonte]
El so verdaderu nome yera Joanne Woodbury, y nació en Los Angeles, California. Mientres siete años foi educada nun conventu, dempués estudió danza y finalmente graduóse na Hollywood High School. Woodbury empezó a baillar pa la compañía Agua Caliente, y a los 19 años decidió intentar ganase la vida cola interpretación. Por ello viaxó a Hollywood, consiguiendo'l so primer papel nel cine nel filme de 1934 Eight Girls in a Boat, nun apaeciendo nos creitos. Darréu fixo otros papeles ensin creitos, apaeciendo per vegada primera nos títulos na película de 1934 One Exciting Adventure, protagonizada por Binnie Barnes. En total, Woodbury actuó en quince películes ente 1934 y 1935, diez de les cualos ensin apaecer nos creitos.
Visu de la so carrera[editar | editar la fonte]
En 1936 la so carrera empezó a consiguir mayores ésitos, llegando a actuar esi añu n'ocho film, cinco d'ellos ensin creitos. Sicasí, colos trés papeles acreditaos Woodbury llamó l'atención del estudiu. El so amiestu de sangre danés, británica y nativa americana dába-y una apariencia exótica que-y dexaba interpretar a personaxes de distintes etnies, dende hispanos a franceses y asiáticos. En 1937 la so carrera yá había despegáu, anque gran parte de la mesma desenvolvíase en cintes de serie B.
En 1937 Woodbury fixo'l so primer trabayu con creitos nun filme de la serie de Charlie Chan, el tituláu Chan on Broadway. Amás, empezó a actuar en numberosos westerns, encarnando a la heroina, y trabayando xunto a dalgunos de los más famosos cowboys actores de la década de 1930, ente ellos William Boyd, intérprete de Hopalong Cassidy, Roy Rogers y Johnny Mack Brown. Woodbury intervieno nun total de cincuenta cintes dende 1937 a 1945, y en casi toes elles apaeciendo nos creitos. L'actuación más destacable d'esi periodu foi'l so primer papel nel serial Brenda Starr, Reporter, en 1945.
El 17 d'avientu de 1938 Woodbury casóse col actor y productor Henry Wilcoxon, con quien tendría tres fíos: Wendy Joan, Heather Ann y Cecilia Dawn.[2]
Fundación de Valley Players Guild y retiru[editar | editar la fonte]
A partir de 1946 la so carrera tornó, más pol so deséu de dedicar tiempu a la so familia que por non tener ufiertes de trabayu. En divorciándose de Wilcoxon, casóse col actor Ray Mitchell, con quien fundó la compañía Valley Players Guild en Palm Springs, California, un grupu que representaba obres nes qu'actuaben intérpretes veteranos. Amás de dirixir la Valley Players Guild, Woodbury siguía actuando de manera ocasional, siendo'l so papel más importante dempués de 1946 el que llevó a cabu nel filme de 1956 The Ten Commandments, protagonizáu por Charlton Heston, Yul Brynner y Anne Baxter. La so última actuación cinematográfica foi un papel de repartu en The Time Travelers (1964). Nel momentu del so retiru, Woodbury actuara nun total de 81 películes.
Woodbury finalmente asitióse en Desert Hot Springs, California, llocalidá na que moraba nel momentu de la so muerte, asocedida en 1989 por causa de una enfermedá respiratoria. Tenía 73 años d'edá.
Referencies[editar | editar la fonte]
Enllaces esternos[editar | editar la fonte]
- Joan Woodbury na Internet Movie Database (n'inglés)
- Joan Woodbury n'AllMovie (n'inglés)
- «Joan Woodbury». en Find a Grave. (n'inglés)
- Boston Blackie, Joan Woodbury
Datos: Q3179630
Multimedia: Joan Woodbury