Jane Goodall

De Uiquipedia
Saltar a: navegación, buscar
El Premiu Príncipe d'Asturies Jane Goodall

Valerie Jane Morris Goodall, DBE, Ph.D. (nacida en Londres, el 3 d'abril de 1934) ye una naturalista, activista y primatóloga inglesa que dedicó y dedica la so vida al estudiu del comportamientu de los chimpancés n'África y a educar y promover estilos de vida más sostenibles en tol planeta.

Foi galardonada col Premiu Príncipe d'Asturies d'Investigación Científica y Técnica en 2003. En febreru de 2013, l'APDDA (Asociación Parllamentaria en Defensa de los Animales) concedió-y'l so primer Premiu Internacional con motivu de la so entregada vida al estudiu y comportamientu de los chimpancés n'África.[1]

Biografía[editar | editar la fonte]

Goodall na Universidá de Hong Kong en 2006

Nacida nel senu d'una familia modesta y d'escasos recursos, dende pequeña suañó siempre con viaxar a África, vivir ente animales y escribir llibros sobre ellos. Tres ver el comportamientu de los chimpancés salvaxes durante meses, un día afayó a un individuo introduciendu un palu (que previamente cortó y esfoyó) nun furacu d'un termiteru pa estrayer termites y poder comeles. Con esti afayamientu, les sos observaciones sobre la conducta instrumental de los chimpancés, los sos hábitos de caza, la so intelixencia y la so personalidá individual revolucionaron la bioloxía y la nuesa perceición sobre los mesmos.

Nel añu 1965 estableció'l centru d'investigación Gombe Stream a veres del llagu Tanganyika, no qu'agora ye Tanzania. El mesmu añu doctoróse y les sos investigaciones prosiguieron per décades, y entá agora, 50 años dempués, continúen los estudios de campu sobre la comunidá de chimpancés salvaxes de Gombe.

Referencies[editar | editar la fonte]

  1. Alicante Noticias. «Jane Goodall, premio a toda una vida». Consultáu'l 05/03/2013.

Enllaces esternos[editar | editar la fonte]