Islles Scilly

De Uiquipedia
(Redirixío dende Isllas Sorlingas)
Saltar a: navegación, buscar

Les Islles Scilly (pronunciación: /'sili/; n'inglés, Isles of Scilly; en córnicu, Ynysek Syllan), son un archipiélagu na costa del ducáu de Cornualles, nel estremu suroeste del Reinu Xuníu. Tienen una superficie de 16,33 km2 y una población de non más de 2.000 personas; anque davezu foi considerada parte de Cornualles, anguaño ye una dependencia autónoma que nun tien rellación alministrativa con esti ducáu.

Esti archipiélagu ta compuestu por cinco islles habitaes y dellos castros que s'alluga a 45 km de la islla de Gran Bretaña; les islles habitaes nómense Saint Mary's, Tresco, Saint Martin's, Saint Agnes y Bryher. Tienen un clima templáu gracies al efeutu colchón del océanu lo que fai que seya la floricultura, xunto al turismu, la so industria principal.

Historia[editar | editar la fonte]

La islla de St. Martin's

Les islles tuvieron habitaes dende la Edá de Piedra, y la so historia foi de subsistencia diaria, na que s'amestaba la producción agrícola cola pesca. Anque d'antiguo formaron parte de Cornualles, lo cierto ye que bien llueu perdieron la so llingua celta propia en favor del inglés naciente, a lo menos dende la final de la Edá Media, adelantándose a los otros llugares de fala celta na implantación del inglés en delles centuries. Estes islles tán consideraes por munchos ún de los allugamientos de les mítiques Kassitérides d'u los griegos importaben l'estañu, si bien la teoría histórica más afitada nesti sen caltién que son les gallegues islles Cíes l'asitiamientu orixinariu; lo que sí paez tar claro ye que son unes islles conocíes d'antiguo.

Área de Guapura Natural Destacada[editar | editar la fonte]

En 1975, l'archipiélagu, nel so conxuntu, foi declaráu "Área de Guapura Natural Destacada".

Islles Scilly
Wikimedia Commons tien archivos rellacionaos con: