Irving Fisher

De Uiquipedia
Saltar a: navegación, buscar
Irving Fisher

Irving Fisher (27 de febreru de 1867 en Saugerties, (Nueva York); 29 d'abril del 1947, en Nueva York) foi un economista estaunidense que contribuyó a esparder les idegues económiques neoclásiques nos Estaos Xuníos.

Dellos conceptos tomen el so nome, como la ecuación de Fisher, la hipótesis de Fisher, la tasa de Fisher y el teorema de separabilidá de Fisher.


Vida[editar | editar la fonte]

Magar Fisher foi un gran economista teóricu, non siempre foi igualmente bonu nel so analis de la realidá económica, y como especulador bursátil fue catastróficu. Na seronda de 1929 declaró públicamente que les cotizaciones yá algamaren el so nivel de másima estabilidá; basándose nesa presuposición perdió, amás de la so reputación como economista, lo más del so patrimoniu familiar.

Obra y pensamientu[editar | editar la fonte]

La so primera contribución teórica a la economía atópase na so tesis doctoral de 1892, "Mathematical Investigations in the Theory fo Value and Prices", que contien una completa esposición de la teoría del equilibriu económicu xeneral de Léon Walras, magar, y esto ye lo ablucante, nel prefaciu declaró que nun conocía la obra de Walras. Los sos principales puntos de referencia hai que guetalos en Jevons, Auspitz y Lieben.

Pol so estraordinariu conocimientu matemáticu (el gran físicu de la termodinámica Gibbs foi'l so mentor), Fisher dio formulaciones mui modernes pa la so dómina: foi l'inventor de los índices económicos y un pioneru de la econometría.

Los sos intereses n'economía foron mui similares a los d'otru gran economista estauxunidense de la mesma dómina John Bates Clark (1847-1938). De toes formes, los sos planteamientos foron estremaos, Fisher taba menos preocupáu pola gueta d'un fundamentu éticu del mercáu y más pol valir de les hipótesis y la corrección de los razonamientos.

Ecuación de Fisher[editar | editar la fonte]

La ecuación de Fisher, en matemátiques financieres, calcula les rellaciones ente les tases d'interés reales y nominales, considerando la inflación. Ye usada pa calcular la tasa interna de retornu d'una inversión.

Si r el la tasa d'interés real; i la tasa d'interés nominal; y \pi la tasa d'inflación, la ecuación de ye:

i \approx r + \pi[1]

Técnicamente ye una aprosimación, pero puede representase como la igualdá:

i = r + \pi[2]

Puede usase pa prever ex-ante (con anterioridá) o nel analis con posterioridá ex-post, por exemplu pa determinar el verdaderu poder alquisitivu d'un créditu:

r = i - \pi

La hipótesis de Fisher considera que la tasa d'interés real ye independiente de les medíes monetaries y nun ta determinada pola tasa nominal.[1]

Teorema de Fisher[editar | editar la fonte]

Fisher postula que l'oxetivu del empresariu ye masimizar la so "tasa de rendimientu sobre costes" y p'algamar, por tanto, el mayor valor presente de la so inversión. Como tasa de Fisher ye tasa de rendimientu qu'iguala en valor presente tolos costes con tolos ingresos, lo qu'equival a la tasa interna de retornu[3] o la tasa de rendimientu qu'iguala los valores presentes de les corrientes n'efectivu de tolos proyectos que se tan considerando.[4]

El teorema de la separabilidá establez qu'una firma puede asegurase de que los sos propietarios algamen la so posición óptima en términos d'oportunidáes del mercáu, financiando la so inversión con una determinada proporción de créditu y fondos propios obtenidos internamente.

Polémiques[editar | editar la fonte]

Nel tarrén políticu, Fisher foi partidariu de la euxenesia, acérrimu defensor del prohibicionismo y escritor mui versátil.

Magar depués de la so muerte la obra de Fisher foi oxetu de gran almiración,[5] Fisher foi mui criticáu en vida. Joseph Schumpeter llegaría a dicir póstumamente "probablemente dellos historiadores futuros considerarán a Fisher como el más grande economista científicu norteamericanu qu'hubo hasta'l día de güei".[6]

Referencies[editar | editar la fonte]

  1. 1.0 1.1 Fisher, Irving (1930). The Theory of interest. The Macmillan Company. ISBN13 978-0879918644.
  2. Barro, Robert J. (1997). Macroeconomics. The MIT Press. ISBN13 978-0262024365.
  3. Plaza Vidaurre, Marco Antonio. "El principiu de la eficiencia marxinal de capital y les espectatives a llargu plazu".
  4. Barfield, Jeses T. et. al. Contabilidad de Costos: Tradiciones e innovaciones.: G-12. Quinta edición, Thomson, 2005.
  5. E. Screpanti & S. Zamagna (1993): An Outline of the History of Economic Throught, ISBN 978-0-19-927914-2.
  6. J. Schumpeter (1954): Historia del Análisis Económico. Barcelona: Editorial Ariel, segunda edición, 1982.