Iris oratoria

De Uiquipedia
Saltar a: navegación, buscar
Commons-emblem-notice.svg
Iris oratoria
Iris oratoria (Sierra de la Alpujarra, Spain).JPG
Clasificación científica
Reinu: Animalia
Filu: Arthropoda
Clas: Insecta
Orde: Mantodea
Familia: Mantidae
Subfamilia: Mantinae
Tribu: Miomantini
Xéneru: Iris
Especie: I. oratoria
Nome binomial
Iris oratoria
Linnaeus, 1758

La mantis mediterránea (Iris oratoria) ye una especie bien estendida de mántidu orixinaria d'Europa ya introducida n'hábitats d'Oriente mediu, Asia occidental y los Estaos Xuníos d'América.

Morfoloxía[editar | editar la fonte]

Los especímenes d'I. oratoria presenten una pigmentación pálida durante la so mocedá qu'evoluciona casi siempre escontra'l verde, algamando cerca de 6,5 cm de llargor nel so maduror. A pesar de la so común morfoloxía, estrémase fácilmente de la especie Mantis religiosa y otros mántidos por presentar llunares carauterísticos de color naranxa na parte inferior del cuartu segmentu abdominal, según dos estensos círculos de color violáceu sobre les sos nales qu'apaecen visibles cuando s'atopen esplegaes. Los sos cercos son más curtios que los de M. religiosa. Pela so parte, les femes d'I. oratoria reconócense poles proporciones de les sos nales, más curties que l'abdome.

Reproducción[editar | editar la fonte]

Les estratexes reproductives y de supervivencia de los especímenes d'I. oratoria fueron estudiaes pa esplicar la capacidá d'esti inseutu pa estendese más allá de los sos hábitats orixinales y ocupar árees d'antiguo poblaes por otros mántidos como'l Stagmomantis carolina.

Ente estos factores destaca, per una parte, la so capacidá pa la reproducción por partenoxénesis en periodos d'escasez de población de machos. Per otra parte, ninfes adicionales d'I. oratoria pueden surdir dende la so ooteca o bolsa de güevos, nuna segunda puesta, una vegada que se produz la eclosión de los mesmos.

El canibalismu sexual característicu de los mántidos suel asoceder na cuarta parte de los alcuentros sexuales d'I. oratoria.