Indiaca

L'indiaca ye tanto un ciertu xuegu d'equipu d'orixe sudamericanu, como l'elementu cimeru utilizáu nel mesmu. El xuegu indiaca guarda cierta rellación col voleibol y el bádminton, al xugase, como éstos, nun tarrén de xuegu dixebráu por una rede. L'elementu principal del xuegu ye la pelota d'indiaca, o simplemente indiaca, que se golpia cola mano. La popularidá del indiaca como xuegu de tiempu llibre xorrez constantemente en dellos países europeos como Alemaña. Amás de como xuegu, l'indiaca prautícase tamién como deporte, xugándose n'Alemaña en tres federaciones estremaes.

El 26 de mayu del añu 2000 fúndase una federación mundial en Berlín que recibió'l nome d'Asociación Internacional d'Indiaca (IIA). Esta federación propúnxose como oxetivu estandarizar les estremaes formes del xuegu y desendolcar torneos internacionales de la disciplina. Les mayores federaciones nacionales del deporte alcuentrense n'Alemaña y Xapón, pero tamién son miembros de la IIA Suiza, Estonia, Eslovaquia, Brasil y Luxemburgu. N'Agostu del 2001 desendolcóse n'Estonia'l primer campeonatu mundial d'indiaca, siendo esti mesmu país sé del segundu campeonatu'l 2006.

Suelse aceutar que l'indiaca tien el so orixe nos indíxenes de Sudamérica. Ellí'l xuegu esisti como tal dende dellos cientos d'años, como xuegu prauticáu pol pueblu. En 1936 el profesor alemán de deporte Karlhans Krohn, demientres un paséu per Copacabana, columbró a los xovenes xugando "Peteka" ya introduxolu n'Alemaña. Darréu Heinz Karl Kraus trató de xuntar los innumberables clubes alemanes dientro d'una sola federación, la Lliga Alemana de Ximnasia (DTB).

Regles[editar | editar la fonte]

Xuegase nun campu de 16 x 6,10 m de tamañu, el cualu ta dixebráu en dos metaes pal usu de los dos equipos rivales. L'altor de la rede ye variatible y depende de la edá y sexu de los participantes, variando ente los 2 y los 2,35 m. Los equipos compónense de cinco xugadores na cancha más un máximu de cinco xugadores soplentes.

La pilota ponse en xuegu al traviés d'un saque, nel cual el xugador asitiáu atrás a la drecha golpia cola mano la pilota pa que pase la rede. Ca equipo pue golpiar un máximu de tres vegaes la pilota ente ellos (namái se permite l'usu de la mano o del antebrazu) enantes de tener que trespasar de nuevu la pilota a la metá del equipu contrariu ensin que toque'l suelu. Si un equipu falla, l'equipu rival recibe un puntu y el drechu al saque. Cuando se produz el camudamientu de saque d'un equipu al otru, los xugadores d'esti últimu han camudar de posición rotando nel sentíu de les manecíes del reló.

El primer equipu que llegue a 25 puntos, con al menos una diferencia de dos con respeutu al rival, gana un set. L'equipu vence cuando s'algamen dos o tres sets (dependiendo de si xueguen al meyor de tres o al meyor de cinco).

Referencies[editar | editar la fonte]

Enllaces esternos[editar | editar la fonte]

Wikimedia Commons tien conteníu multimedia tocante a Indiaca.