Ilesia de Cristu (Terrén del Templu)

De Wikipedia
Ilesia de Cristu (Terrén del Templu)

La Ilesia de Cristu ye una denominación del movimientu de los Santos de los Últimos Díes que tien la so sede n'Independence (Missouri) nel llugar conocíu como'l Terrén del Templu. Miembros d'esta ilesia, fueron comúnmente conocíos como hedrickites, por Granville Hedrick, unu de los sos primeros líderes. La ilesia yá nun tien diálogos oficiales con nenguna otra organización. L'actual númberu de miembros ye d'alredor de 5000 en dellos países.

Historia[editar | editar la fonte]

La ilesia comparte la so historia temprana coles más grandes denominaciones de los Santos de los Últimos Díes, incluyendo a La Ilesia de Xesucristu de los Santos de los Últimos Díes y la Comunidá de Cristu. Depués de la muerte del fundador del movimientu, Joseph Smith Jr. en 1844, dellos líderes entraron en temes pol control del movimientu y establecieron distintes organizaciones. Yá en 1860, cinco cañes (o congregaciones) de la ilesia orixinal nunca s'afiliaron a nengún grupu y atopáronse ensin afiliación a otres cañes de los Santos de los Últimos Díes. Allugaes en Bloomington, Crow Creek, Half Moon Prairie, y Eagle Creek, Illinois, y Vermillion, Indiana, estes cañes xuniéronse baxo'l lideralgu de Hedrick en mayu de 1863.La ilesia ocupa anguaño una propiedá n'Independence, Missouri, considerada polos Santos de los Últimos Díes como'l Terrén del Templu designáu por Joseph Smith Jr. pa ser el sitiu del templu de la Nueva Xerusalén, una ciudá sagrada a ser construyida como preparación de la Segunda Venida de Xesucristu. Los Hedrickites tornaron a Independence en 1867 pa comprar los terrenos pal templu nel nome de la Ilesia de Cristu y tuvieron la so sede central nesti estratéxicu llugar sagráu dende entós. Na década de 1930, la ilesia fixo escavaciones nel sitiu nun intentu de construyir un templu nesi llugar, pero los sos esfuercios viéronse enllancaos pola Gran Depresión y l'escavación foi terminada y vuelta a enllenar. Dende la década de 1920, la ilesia sufrió divisiones en polo menos cuatro facciones, incluyendo la Ilesia de Cristu col Mensaxe d'Elíes en 1929, la que se dixebró na década de 1950 y creció hasta tener alredor de 12.000 miembros. L'1 de xineru de 1990, Jordon Smith, un ex miembru de la Ilesia de Cristu (Terrén del Templu) amburó l'edificiu de la ilesia depués de ser escomulgáu por xunise a la ilesia mormona. El fueu causó daños significativos nel segundu pisu del edificiu, pero'l primer pisu que contenía los rexistros de la ilesia ya importantes documentos caltúvose intactu. L'1 de febreru de 1990, l'edificiu construyíu orixinalmente en 1905, foi baltáu y construyíu unu nuevu nel so llugar.

Doctrines[editar | editar la fonte]

A pesar de que primeramente la Ilesia de Cristu (Terrén del Templu) aceptó'l lideralgu y doctrines del fundador del movimientu de los Santos de los Últimos Díes, Joseph Smith Jr., camudaron la so política en 1920 de cuáles de les sos revelaciones teníen de ser aceptaes, creyendo agora qu'él foi un verdaderu profeta namái hasta 1836, cuando s'estremó del so llamamientu con doctrines tales como'l matrimoniu plural. Por esta razón, a diferencia d'otres denominaciones Santos de los Últimos Díes, la ilesia nun tienen un profeta o una primer presidencia. Otra manera, la ilesia declara que ye dirixida por Xesucristu, siguíu d'un Quórum de Doce Apóstoles que nun tien un voceru. El conceyu respuende oficialmente al traviés del so secretariu. El representante misional nel centru de visitantes ye William A. Sheldon (2006).Los estándares de fe oficiales de la ilesia son la Biblia y el Llibru de Mormón

Referencies[editar | editar la fonte]

Enllaces esternos[editar | editar la fonte]